LockDown / શું અનલૉક બાદ દેશમાં બગડી રહી છે સ્થિતિ? દેશમાં આજથી આ જગ્યાઓ પર ફરી લૉકડાઉન

• દેશમાં અનલોક બાદ બગડી સ્થિતિ
• કોરોનાના કેસ વધતાં આજથી અનેક જગ્યાઓએ લાગૂ થયું લૉકડાઉન
• દેશમાં કોરોનાના કુલ કેસની સંખ્યા પહોંચી 9 લાખને પાર

દેશમાં રોજ વધી રહેલા અને નવા બની રહેલા કોરોનાના કેસના આંકડા ડરાવી રહ્યા ચે. કુલ કેસની સંખ્યા 9 લાખને પાર પહોંચી છે. અત્યારસુધીમાં 93 ડોક્ટર્સે પોતાનો જીવ ગુમાવ્યો છે. વિશ્વ સ્વાસ્થ્ય સંગઠને જણાવ્યું છે કે સ્થિતિ હજુ વધારે ખરાબ થઈ શકે તેમ છે. એવામાં સવાલ એ છે કે શું અનલૉકથી સ્થિતિ બગડી રહી છે. અનેક રાજ્યોએ કોરોનાને કાબૂમાં લેવા મંગળવાર એટલે કે આજથી ફરીથી લૉકડાઉનનો નિર્ણય લીધો છે. અનલૉકના કારણે જ કોરોના વધુ પ્રસરી રહ્યો હોય તેવું જોવા મળી રહ્યું છે. 

ક્યાં કઈ તારીખ સુધી જાહેર કરાયું છે લૉકડાઉન

• કર્ણાટક સરકારે બેંગ્લોરમાં 14 જુલાઈથી 7 દિવસ માટે  સંપૂર્ણ લોકડાઉન જાહેર કર્યુ છે. 
• તમિલનાડુના મુખ્યમંત્રી કે પલાનીસ્વામીએ મદુરાઈ અને તેની આસપાસના વિસ્તારોમાં  14 જુલાઈ સુધી લોકડાઉન લંબાવી દીધુ છે. 
• મહારાષ્ટ્ર સરકારે પહેલાથી જ પુના અને પિંપરી-ચિંચવાડમાં 14 થી 23 જુલાઈ સુધી સંપૂર્ણ લોકડાઉન રાખવાની જાહેરાત કરી હતી. 

Karnataka: Shops closed & streets deserted as complete lockdown is being observed in Kalaburagi. District Administration has ordered lockdown in Kalaburagi from 14th to 20th July, to control the spread of #COVID19. pic.twitter.com/rc7xrro4K2

— ANI (@ANI) July 14, 2020

• મુંબઇની આસપાસના વિસ્તારોમાં પણ આ જ રીતે લોકડાઉન પાળવાની જાહેરાત કરી છે. 
• કાશ્મીરના અધિકારીઓએ પણ રવિવારે લોકડાઉનના બીજા તબક્કાનો કડકાઈથી અમલ કરાવતા લાલ ચોકને સંપૂર્ણપણે બંધ કરાવી દીધો હતો. છેલ્લા એક અઠવાડિયામાં અહીં અચાનક કોરોનાના કેસ વધ્યા છે.  જેને પગલે શ્રીનગરના અન્ય 67 વિસ્તારો પણ બંધ કરાવાયા છે.
• ગ્વાલિયરમાં પણ એક દિવસમાં 191 કેસ આવતાં 1 અઠવાડિયાનું લૉકડાઉન જાહેર કરવામાં આવ્યું છે.
• વારાણસીમાં આજે સાંજે 5 વાગ્યાથી લૉકડાઉન જાહેર કરાયું છે. અહીં સોમથી શુક્ર અડધા દિવસનું લૉકડાઉન જાહેર કરાયું છે. લૉકડાઉનના નિયમો સાંજે 4 વાગ્યા બાદ લાગૂ રહેશે. 

ગુજરાતમાં સ્વેચ્છાએ આંશિક લૉકડાઉન, જાણો શું ચાલુ રહેશે અને શું બંધ

અનલૉક વચ્ચે વેપારીઓ આંશિક લૉકડાઉનનો નિર્ણય કર્યો છે. જેમાં ભાવનગર, જામનગર, બોટાદ, ભરૂચ, માલપુર, મહેસાણા, પંચમહાલ, બનાસકાંઠા, તાપી અને જૂનાગઢમાં હાલ આંશિક લૉકડાઉનનો વેપારીઓ દ્વારા નિર્ણય લેવામાં આવ્યો છે.

ST વિભાગ દ્વારા પણ મહત્વનો નિર્ણય

એસ.ટી. વિભાગ દ્વારા પણ મહત્વનો લેવામાં આવ્યો છે. જેમાં અમદાવાદથી સુરત જતી અને અમદાવાદથી વડોદરા જતી ST સેવા બંધ કરવામાં આવી છે. તો વડોદરાથી ભરૂચ જતી ST સેવા પણ બંધ કરવામાં આવી છે.

હિરા બજાર સ્વૈચ્છિક બંધનો રાખવાનો નિર્ણય

હીરા ઉદ્યોગમાં કેસ વધતા 19 જુલાઈ સુધી હીરા બજાર બંધ રાખવાનો નિર્ણય લેવામાં આવ્યો છે. જેમાં મીની બજાર, માનગઢ ચોક સહિત તમામ સેઈફ બંધ રહેશે. 20 જુલાઈથી આ હીરા બજારના સેઈફ ખોલવામાં આવશે. બપોરે 2 વાગ્યાથી સાંજે 6 વાગ્યા સુધી કામકાજ ચાલુ રહેશે.

પાન-ગલ્લા પર AMCની તવાઈ

અમદાવાદમાં પાન-ગલ્લા પર AMCની તવાઈ બોલાવાઇ છે. નવા નિયમ મુજબ સોલિડ વેસ્ટ વિભાગનું ચેકીંગ હાથ ધરાયું છે. પાન-ગલ્લા પર પીચકારી મારેલ જોવા મળતા કાર્યવાહી હાથ ધરાઇ છે. જોધપુર પાસે સિવાસ પાન પાર્લર સીલ કરાયુ છે. અલગ અલગ ઝોનમાં સોલિડ વેસ્ટનું ચેકીંગ હાથ ધરાયું છે.

આ જિલ્લા અને તાલુકાઓમાં આંશિક લૉકડાઉનનો નિર્ણય

કોરોનાને કાબૂમાં લેવા માટે સરકારે જે લૉકડાઉનના નિયમો જાહેર કર્યા છે તે સિવાય દરેક વ્યક્તિએ માસ્ક અને સોશ્યલ ડિસ્ટન્સિંગને પણ મહત્વ આપવાનું રહેશે.