અમદાવાદ / આ કલાકારે ચોખાના દાણા પર પોલીસ અને ડૉક્ટરની શ્રેષ્ઠ કામગીરી દર્શાવી કર્યું ઓનલાઇન એક્ઝિબિશન

• અમદાવાદના કલાકારનું અનોખું ઓનલાઇન એક્ઝિબેશન
• ડૉક્ટર્સ,પોલીસ તેમજ મીડિયાકર્મીઓના કઠોર પરીશ્રમને કંડાર્યો ચોખા પર

અત્યારે દેશભરમાં કોરોના વાયરસના કારણે લોક ડાઉન ચાલી રહ્યું છે. ઘણા પ્રકારના લોકો આ લોકડાઉનનો ભંગ પણ કરતા જોવા મળે છે તે વાતને ધ્યાને લેતા અમદાવાદના જાણીતા આર્ટિસ્ટ એવા  દિપકભાઈ ભટ્ટે અનોખા પ્રકારનો મેસેજ દેશવાસીઓને તેમના ફેસબુક પેજ પર ઓનલાઈન એક્ઝિબિશન કરી આપ્યો છે,તેમણે પેન્સિલની અણી પર લોક, કી અને કડીની આકૃતિ બનાવી લોકડાઉનનો સંદેશો આપ્યો છે. ઉપરાંત તેમને દેશની સેવામાં કાર્યરત એવા પોલીસ, મીડિયાકર્મી, ડૉક્ટર્સ વગેરેની તસવીરો ચોખાના દાણા પર કલર પુરી દોરી હતી. જેમાં સ્ટે હોમ બી સેફ, માસ્ક પહેરો, સોશિયલ ડિસ્ટન્સિંગ રાખો વગેરે જેવા લખાણો પણ ચોખાના દાણા પર લખ્યા છે.

અમદાવાદના કલાકારનું અનોખું ઓનલાઇન એક્ઝિબેશન

દિપકભાઈ ભટ્ટે જણાવ્યું હતું કે, દિવસેને દિવસે કોરોના વાયરસના ઘણા કેસો જોવા મળે છે. આ સ્થિતિ કાબુમાં ત્યારે જ આવશે જ્યારે આપણે વડાપ્રધાન શ્રી નરેન્દ્રભાઈ મોદી જાહેર કરવામાં આવેલા લોકડાઉનનો પૂર્ણ રીતે પાલન કરીએ. આ મેસેજ વધારે લોકો સુધી પહોંટાડવા માટે મેં આ એક્ઝિબિશન ઓનલાઈન કર્યું છે. જેમાં અલગ અલગ ચોખાના દાણા પર ડૉક્ટર્સ અને પોલીસ તેમજ મીડિયાકર્મીઓના કઠોળ પરીશ્રમને પણ બતાવ્યો છે. આ એક આર્ટ પણ છે જેથી મારી ઈચ્છા છે કે, કમિશનર સાહેબની ઓફિસમાં તેમજ સિવિલ તેમજ વીએસ જેવી મોટી હૉસ્પિટલમાં હું આ ચોખાના દાણા પર દોરવામાં આવેલા ચિત્રોને ભેટ સ્વરૂપે આપું.

ગિનિસ બુક અને લિમકા બુકમાં નામ નોંધાવી ચુક્યા છે આ કલાકાર 

દિપકભાઈની બીજી વિશેષતા એ છે કે તેઓ બીજા પ્રકારની સિદ્ધીઓના કારણે તેઓ ગિનિસ બુક અને લિમકા બુકમાં નામ નોંધાવી ચુક્યા છે. એકવાળમાં બીજો વાળ પરોવી શકે છે, ચોખાના એક દાણા પર 396 અક્ષર લખેલા છે, 15 પૈસાના પોસ્ટકાર્ટ પર શ્રીમદ્ ભગવદગીતા લખ્યું છે, તેમને માસ્ટર બ્લાસ્ટર ક્રિકેટર સચિન તેંડુલકરને તલના દાણા પર 148 શબ્દોનો અભિનંદ પત્ર પણ લખીને આપેલો છે, હિસ્ટ્રી ચેનલમાં પણ તેમનો પ્રોગ્રામ આવી ચુક્યો છે, ચાલુ બાઈક પર રીદ્ધી સિદ્ધીની મૂર્તી સોપારી પર કોતરી શકે છે.