દેશભરમાં જાહેર કરાયેલા લૉકડાઉનની વચ્ચે સરકારે ડ્રાઈવિંગ લાયસન્સ અને વ્હીકલ ફિટનેસ સર્ટિફિકેટની તારીખને વધારી દીધી છે. હવે તમારે આ તારીખોને લઈને ચિંતા કરવાની જરૂર નથી. સડક પરિવહન અને રાજમાર્ગ મંત્રાલયે કહ્યું છે કે મોટર વ્હીકલ એક્ટ અને સેન્ટ્રલ મોટર વ્હીકલ રૂલ્સ સાથે સંબંધિત દસ્તાવેજો માટે તારીખ 30 જૂન 2020 સુધી વધારી દેવામાં આવી છે.
લૉકડાઉનમાં હવે મળશે મોટી રાહત
સરકારે ડ્રાઈવિંગ લાયસન્સ અને વ્હીકલ ફિટનેસ સર્ટિફિકેટને લઈને આપી છૂટ
ડોક્યુમેન્ટ્સ અને લાયસન્સની સીમા 30 જૂન 2020 સુધી વધારાઈ
સરકારના નિર્ણયથી મળશે આ લોકોને રાહત
આ ડોક્યૂમેન્ટમાં દરેક પ્રકારના ડ્રાઈવિંગ લાયસન્સ, પરમિટ અને વ્હીકલ ફિટનેસ સર્ટિફિકેટ સામેલ છે.
સરકારે સ્પષ્ટ કર્યું છે કે આ નિયમ એ લોકો માટે લાગૂ પડશે જેમના ડોક્યુમેન્ટની અતિમ તારીખ 1 ફેબ્રુઆરી 2020થી 30 જૂન 2020ની વચ્ચે છે.
આ સિવાય એ પણ જાહેરાત કરી છે કે વાહન પ્લેટફોર્મ દ્વારા ઓનલાઈન લેવાનારી નોન યૂથ ક્લોઝ ફેસિલિટીને હવે ટેક્સના સસ્પેન્શનને માટે એક્સેસ કરી શકાય છે.
તેનાથી ટેક્સી, બસ વગેરે કર્મશિયલ વ્હીકલ્સને રાહત મળશે, જે કોરોના લોકડાઉનમાં અવરજવર કરી રહ્યા નથી.
આ સિવાય ભારતમાં BS-IV વ્હીકલ્સના વેચાણની છેલ્લી તારીખને પણ વધારી દેવામાં આવી છે. હવે આ વ્હીકલ્સને લોકડાઉન હટાવ્યા બાદ આવનારા 10 દિવસમાં વેચી શકાશે.
BS-IV વ્હીકલ્સનું વેચાણ 31 માર્ચ 2020 સુધી થવાનું હતું. 1 એપ્રિલ 2020થી દેશમાં BS-IV એમિશન નોર્મ્સ લાગૂ થઈ રહ્યા છે. આ સિવાય સુપ્રીમ કોર્ટે BS-IV વ્હીકલ્સના રજિસ્ટ્રેશનની છેલ્લી તારીખ પણ વધારીને 30 એપ્રિલ 2020 કરી દીધી છે.