કોરોના સંકટ અને લૉકડાઉનની અસર હવે રક્ષા ડીલ પર પણ પડી રહી છે. રક્ષા મંત્રાલય તરફતી ત્રણેય સેનાઓને પોતાના આધુનિકીકરણ માટે કરવામાં આવેલી રક્ષા ડીલને હાલમાં રોકવા અંગે જણાવામાં આવ્યું છે. જો કે મંત્રાલય દ્વારા જણાવામાં આવ્યું છે કે કોવિડ-19ના કારણે બજેટમાં મુકવામાં આવેલા કાપને લઇને આ નિર્ણય લેવામાં આવ્યો છે.
બજેટમાં કાપને જોતાં લેવામાં આવ્યો નિર્ણય
ત્રણેય સેનાઓએ રોકવી પડશે મહત્વની ડીલ
રક્ષા મંત્રાલયના સૂત્રો દ્વારા મળતી જાણકારી મુજબ સેના, નૌ સેના અને વાયુ સેનાને જણાવામાં આવ્યું છે કે જ્યાં સુધી દેશમાં કોવિડ-19ની સ્થિતિ બની રહેલી છે, ત્યાં સુધી પોતાની રક્ષા ડીલને રોકી રાખે. ત્રણેય સેનાને બધી રક્ષા ડીલ પર રોક લગાવાનું જણાવામાં આવ્યું છે, જે અલગ-અલગ તબક્કાઓમાં થવાની છે.
ત્રણેય સેનાઓ પોતાના આધુનિકીકરણ માટે ઘણી રક્ષા ડીલ કરી રહી છે, જે અલગ-અલગ તબકાઓમાં થવાની છે. ભારતીય વાયુ સેના ફ્રાંસની 36 રાફેલ લડાકૂ વિમાન અને રશિયાથી S-400 વાયુ રક્ષા હથિયાર પ્રાણલી માટે ચૂકવણી કરવાની પ્રક્રિયા છે. જ્યારે સેના પણ અમેરિકા અને રશિયા સહિત અલગ-અલગ દેશોમાંથી ટેંક, આર્ટિલરી ગન અને અસોલ્ટ રાઇફલ પણ લઇ રહી છે.
જ્યારે નો સેનાએ હાલમાં જ અમેરિકામાંથી 24 મલ્ટીરોલ હેલિકોપ્ટર માટે સમજૂતી પર હસ્તાક્ષર કર્યાં હતા. આમ હવે બધી રક્ષા ડીલને રોકી દેવામાં આવી છે. એનો મતલબ એ નથી કે ડિલને કેન્સલ કરી દેવામાં આવી છે, પરંતુ ડીલની આગળની પ્રક્રિયાને રોકી દેવામાં આવી છે.