Coronavirus / લૉકડાઉનને કારણે લોકોની હિલચાલ ઓછી થઈ તો ધરતીની નીચે કંઈક ગજબ અસર નોંધાઈ

• વૈજ્ઞાનિકોની શોધમાં જાણવા મળ્યું, દુનિયાભરમાં લૉકડાઉન દરમિયાન ધરતીનું કંપન ઓછુ થઇ ગયું  
• દુનિયાભરમાં ધ્વનિ પ્રદૂષણ ઘટી જવાથી ભૂકંપ વૈજ્ઞાનિકો ખુબજ નાના સ્તરની ધ્રુજારીને પણ માપી શકે છે 

આખી દુનિયામાં ધ્વનિ પ્રદૂષણ એટલુ ઓછુ થઇ ગયું છે કે હવે ભૂકંપ વૈજ્ઞાનિકો ખુબજ નાના સ્તરના ભૂકંપોને પણ માપી લઇ શકે છે. જ્યારે લૉકડાઉનથી પહેલા આમ કરવું ખૂબ જ મુશ્કેલ બનતું હતું. 

મોટાભાગે એ જોવા મળ્યું છે કે આપણે જ્યાં રહીએ છીએ ત્યાં ઘોંઘાટ કરીએ છીએ. એટલો અવાજ કરીશું કે ચારેય તરફ ઘોંઘાટ ફેલાય જાય. ગાડીઓ, ફેક્ટરીઓ, હોર્ન વગાડવું, તોડફોડ અને નિર્માણ વગેરેથી નીકળનારી અવાજો ધરતીના કંપનને વધારી દે છે. 

ડેઇલી મેલના એક સમાચાર મુજબ, બ્રિટિશ જિયોલૉજિકલ સર્વેએ દુનિયાના કેટલાક દેશોના ભૂગર્ભ વૈજ્ઞાનિકોની સાથે મળીને આ જાણવાનો પ્રયાસ કર્યો છે. તેમનું માનીએ તો કોરોના વાયરસને કારણે આખી દુનિયામાં લગાવેલા લૉકડાઉનને કારણે ધ્વનિ પ્રદૂષણ ઓછુ થયું છે. 

વૈજ્ઞાનિકોએ લંડન, પેરિસ, લૉસ એન્જિલસ, બેલ્જિયમ અને ન્યૂઝીલેન્ડમાં ભૂકંપ સૂચક યંત્ર દ્વારા આ વાતનો ખુલાસો કર્યો કે લૉકડાઉન દરમિયાન ધરતીનું કંપન ઓછુ થઇ ગયું છે. આ તમામ જગ્યાઓ પર આમ જ રીડિંગ મળ્યું છે. 

જ્યારે પણ માણસ ધરતી પર ચાલે છે, વાહનવ્યવહાર, જહાજ, વિમાન ઉડે છે ત્યારે ધ્વનિ પ્રદૂષણની માત્રા વધે છે. તેના કારણે પૃથ્વી વધારે કાંપે છે. લૉકડાઉન સમય દરમિયાન આ અવાજ એટલો નહિવત છે કે લોકોને શાંતિનો અનુભવ થઇ રહ્યો છે. 

Our staff is teleworking. The earth continues shaking. Ground movements at frequencies 1-20 Hz, mainly due to human activity (cars, trains, industries,...) are much lower since the implementation of the containment measures by the government. #StayHome @ibzbe @CrisiscenterBE pic.twitter.com/pGgQAyLuUP

— Seismologie.be (@Seismologie_be) March 20, 2020

બેલ્ઝિયમના રોયલ ઓબ્ઝર્વેટરીના ભૂગર્ભ વૈજ્ઞાનિક થૉમસ લેકૉકે એક એવુ યંત્ર વિકસિત કર્યું છે જે ધરતીના કંપન અને અવાજમાં થઇ રહેલા બદલાવોનું અધ્યયન કરે છે તથા બંને વચ્ચેનું અંતર બતાવે છે. 

થૉમસ લેકૉકે જણાવ્યું કે સામાન્ય દિવસોમાં માણસો દ્વારા એટલો અવાજ કરાય છે કે આપણે ધરતીના મામૂલી કંપનની તપાસ લગાવી શકતા નહોતા. અમારા યંત્રો હળવુ કંપન પણ જાણી શકતા નહોતા. પંરતુ હવે લૉકડાઉનના સમયે અમે ધરતીના હળવા કંપનને પણ નોંધી શકીએ છીએ.

ભૂગર્ભ વૈજ્ઞાનિક સ્ટીફન હિક્સે જણાવ્યું કે સામાન્ય દિવસોમાં ધરતીનું કંપન દિવસમાં વધી જતુ હતું જ્યારે રાત્રે ઓછુ રહેતું હતું. પંરતુ આજકાલ રાત્રી કરતા દિવસમાં કંપનના ઓછા આંકડા આવી રહ્યા છે. 

The #covid19UK lockdown as seen by a seismometer. This week has seen a reduction in average daytime background seismic noise level (purple line). Data is from @BGSseismology station SWN1 located close to the M4 motorway, so this probably reflects less traffic out on the roads. pic.twitter.com/uNhtKmeCdf

— Stephen Hicks 🇪🇺 (@seismo_steve) March 26, 2020

હિક્સે જણાવ્યું કે પહેલા અમારે ધરતીના ભૂકંપ, ધ્વનિ અને ધ્રુજારીને માપવા માટે માણસો દ્વારા પેદા થતી અવાજોને આપણા યંત્રોથી હટાવવા પડતા હતા. પંરતુ હાલ થોડા દિવસો (લૉકડાઉન દરમિયાન) આવી કોઇ મહેનત કરવી પડી રહી નથી. ધરતીની સાવ સામાન્ય અવાજ, ધ્રુજારી રેકોર્ડ થઇ રહી છે. 

હાલ આખી દુનિયામાં ધરતીનું કંપન માપવા માટે થૉમસ લેકૉકની ટેક્નીકનો જ ઉપયોગ કરવામાં આવી રહ્યો છે. લંડન, પેરિસ, લૉસ એન્જિલસ, બેલ્ઝિયમ, અને ન્યૂઝીલેન્ડમાં થૉમસ લેકૉકના યંત્રો અને ટેક્નિકનો ઉપયોગ દ્વારા કરાયેલી તપાસમાં સામે આવ્યું છે કે લૉકડાઉનને કારણે આપણી ધરતીનું કંપન ઓછુ થઇ ગયું છે. જે એક શાંતિ આપનારી વાત છે.