ગુજરાતમાં કોરોનાના કહેર વચ્ચે જાહેર કરાયેલા લોકડાઉન લોકો દ્વારા વારંવાર ઉલ્લંઘન થતું જોવા મળે છે. જોકે હાલમાં સામે આવેલા વાયરલ વીડિયોમાં બોટાદ શહેરના ભાજપના પૂર્વ પ્રમુખ દ્વારા લોકડાઉનનું ઉલ્લંઘન કરતું જોવા મળ્યું છે. જેમાં તેઓ દ્વારા શહેરના પ્રતિબંધિત વિસ્તારમાંથી લોકોને બહાર કાઢવાનું જોવા મળી રહ્યું છે.
બોટાદ શહેર ભાજપના પૂર્વ પ્રમુખ દ્વારા લોકડાઉનનું ઉલ્લંઘન
બોડાદ શહેરના સીલ વિસ્તારમાંથી લોકોને બહાર કાઢ્યા
વોર્ડ નંબર-9 વિસ્તારમાં કોરોનાના 4 પોઝિટિવ કેસ આવ્યા છે
બોટાદ શહેર ભાજપના પૂર્વ પ્રમુખ અને સર્વોદય બેન્કના ચેરમેન વિનુભાઇ સોની દ્વારા લોકડાઉનનું ઉલ્લંઘન કરવામાં આવ્યું છે. વિનુભાઇ સોની દ્વારા બોટાદના પ્રતિબંધિત વિસ્તારમાંથી લોકોના બહાર કાઢવાનો વીડિયો વાયરલ થયો છે. આ વીડિયો બોટાદના વોર્ડ નંબર-9 વિસ્તારનો છે.
જ્યાં કોરોનાના 4 પોઝિટિવ કેસ નોંધાઇ ચૂક્યા છે. જેને લઇ આ વિસ્તાર સીલ છે. ત્યારે આ જ વિસ્તારમાંથી બોટાદ શહેર ભાજપના પૂર્વ પ્રમુખ વિનુભાઇ સોની લોકોને બહાર કાઢી રહ્યાં છે. અને તંત્ર દ્વારા આપવામાં આવેલા પાસનો દુરુપયોગ કરી રહ્યાં છે.
જેને લઇ પોલીસે વિનુભાઈ સોની સામે ફરિયાદ નોંધી છે. જો કે આ પહેલી ઘટના નથી સતત નેતાઓ દ્વારા લોકડાઉનનું ઉલ્લંઘન કરવાની ઘટના સામે આવી રહી છે. ત્યારે શું નેતાઓ માટે કોઇ નિયમ નથી. અને આવા લોકો સામે કડક કાર્યવાહી કેમ નથી કરાતી.