નિર્ણય / કોરોના સંકટની વચ્ચે અમદાવાદની રથયાત્રાને લઈને મોટો નિર્ણય, આ વખતે જગન્નાથની નગરયાત્રા કંઈક આવી હશે

• રથયાત્રાની 250 વર્ષ જુની પરંપરામાં ફેરફાર થવાની સંભાવના
• 20મી મેં એ ટ્રસ્ટીમંડળની મિટિંગમાં રથયાત્રાના આયોજન અંગે ચર્ચા થશે
• ભક્તોએ ટીવીના માધ્યમથી રથયાત્રા નીહાળવાની તૈયારી રાખવી પડશે

જગન્નાથ મંદિરના ટ્રસ્ટી મહેન્દ્ર ઝાએ VTV સાથે વાત કરતાં જણાવ્યું કે આ વર્ષે  પરંપરા મુજબ રથયાત્રા તો નીકળશે જ પરંતુ રથમાં માત્ર પુજારીઓ અને મહારાજ હાજર હશે. દર વર્ષની જેમ રથયાત્રામાં જોડતાં લોકોએ આ વખતે ટીવી અને મીડિયાના માધ્યમથી જ રથયાત્રા નીહાળવાની તૈયારી રાખવી જોઈએ.

આ ઉપરાંત તેમણે વધુમાં જણાવ્યું કે 20મી મેંના રોજ અમારી ટ્રસ્ટી મંડળની મિટિંગ થશે. તેમાં સંપૂર્ણ આયોજન મુદ્દે ચર્ચા થશે. પરંતુ એ વાત નિશ્ચિત છે કે વધુ લોકો એકઠા નહીં થઈ શકે.