સંકટ / કોરોનાના કારણે આ દેશમાં લોકો સોનું વેચીને પેટ ભરવા બન્યા મજબૂર

• કોરોનાનું મહાસંકટ
• પેટ ભરવા માટે લોકોએ વેચ્યું સોનું
• સોનું વેચવા માટે લોકો લગાવી રહ્યા છે લાઈન

કોરોના સંકટને લઈને અર્થવ્યવસ્થામાં મંદી આવી છે. રૂપિયાની અછતને કારણે લોકો સોનું વેચવા મજબૂર બન્યા છે. સોનું હાલમાં સારા ભાવે વેચાઈ રહ્યું છે. અમેરિકાની અધ્યક્ષતામાં વૈશ્વિક સ્તરે અર્થવ્યવસ્થાને ફરીથી મજબૂત કરવા માટે અરબો ડોલરનું પ્રોત્સાહન ઉપાયોની વચ્ચે મંગળવારે સોનાનો ભાવ 1731.25 ડૉલર પ્રતિ ઔંસના 7 વર્ષના ઉચ્ચ સ્તરને અડી ગયો છે. 

કિંમતમાં 20 ટકાનો થયો વધારો

બેંગકોંકમાં 15 દિવસથી લૉકડાઉનની સ્થિતિ છે. અહીં સેંકડોની સંખ્યામાં લોકો સોનાની કિંમતમાં 20 ટકા વધારાનો લાભ મેળવવા માટે ચાઈનાટાઉન, યાઓવરટ આવી રહ્યા છે. અહીં લોકો પોતાની બંગડીઓ, હાર અને વીંટીઓ વેચી રહ્યા છે. 

મળતી માહિતી અનુસાર એક વ્યક્તિએ કહ્યું કે મારી પાસે કોઈ બચત નથી. પણ મારી પાસે પડેલું સોનું વેચીને હું આ મુશ્કેલીના સમયમાં મારું ઘર ચલાવી રહ્યો છું. વ્યાપારીઓએ અહીં કરોડો ડોલરનું સોનું ખરીદ્યું છે.