રાજ્યમાં જ્યાં એક બાજુ કોરોનાને લઇને લોકડાઉન જાહેર કરવામાં આવ્યું છે. જેને લઇને રાજ્ય સરકાર લોકોને ઘરમાં રહેવા અપીલ કરી રહી છે ત્યારે અમરેલીમાં ફરી એકવાર ગીરના સુમસામ રસ્તાઓ પર સિંહબાળ સાથે સિંહણ લટાર મારતાં જોવા મળી છે.
અમરેલીમાં ફરી એકવાર રસ્તા પર જંગલનો રાજા
ગીરના રસ્તા સુમસામ બનતા સિંહો રોડ પર ઉતર્યા
સિંહ બાળ સાથે સિંહણની રોડ પર લટાર
રાજ્યમાં જ્યાં લોકો લોકડાઉનની વચ્ચે ઘરમાં પુરાયને રહ્યાં છે ત્યારે જંગલના રાજાને જાણે આ નિયમ લાગુ ન પડતો હોય તેમ અમરેલીમાં જોવા મળ્યો હતો. જ્યાં ગીરના સૂમસામ બનેલા રસ્તાઓ પર સિંહો રોડ ઉપર ઉતરી પડ્યા હોવાનું જોવા મળ્યું.
જેમાં સિંહ બાળ સાથે સિંહણ રોડ પર લટાર મારતા નજરે પડ્યાં છે. જેમાં સિંહ બાળ રોડ પર ધીંગા મસ્તી કરતા જોવા મળ્યાં.
જેમાં રેડીઓ કોલર બાંધેલી સિંહણ સિંહ બાળ સાથે આંબરડી આવી પહોંચી હતી. આ અંગેનો વીડિયો સોશિયલ મીડિયામાં વાયરલ થયો છે. આમ જ્યાં સરકાર લોકોને લોકડાઉન વચ્ચે ઘરમાં રહેવા અપીલ કરી રહી છે ત્યારે જંગલના રાજાના પરિવારને રોડ પર આવતા રોકવાની તાકાત કોણ કરે?