ગુજરાતમાં કોરોના વાયરસના સંક્રમિત દર્દીઓની સંખ્યા વધતી જોવા મળી રહી છે. રાજ્યમાં આજરોજ નવા કેસો સાથે આંકડો 2000ને પાર જોવા મળ્યો છે. રાજ્યમાં અમદાવાદમાં સૌથી વધારે કોરોનાના દર્દીઓ સામે આવ્યાં છે. જો કે આ બધા વચ્ચે અમદાવાદમાં એવી ઘટના સામે આવી કે જેને લઇને પોલીસ અને તંત્ર દોડતું થઇ ગયું હતું.
અમદાવાદની વી.એસ હોસ્પિટલ પાસે ઉડાવી ચલણી નોટો
100, 200 અને 500ની ચલણી નોટ ઉડાવવામાં આવી
મેડિકલ સ્ટોરની બહાર નાખવામાં આવી ચલણી નોટો
એક મળતી પ્રાપ્ત વિગત અનુસાર અમદાવાદ શહેરમાં આવેલ વી. એસ. હોસ્પિટલની પાસે એક મેડિકલ સ્ટોરની બહાર એક શખ્સ રૂપિયા ફેંકતો જોવા મળ્યો. જો કે કોરોના વાયરસના સંક્રમણ ફેલાવાની આશંકાના પગલે કોઇએ પણ આ રૂપિયા ઉઠાવ્યાં નહી. જો કે આ મામલે પોલીસે આખા વિસ્તારને કોર્ડન કરી તપાસ શરૂ કરી દીધી છે. પોલીસ હાલ રૂપિયા ફેંકનાર શખ્સને શોધી રહી છે.
એક મળતી જાણકારી મુજબ અમદાવાદના શહેરના વીએસ હોસ્પિટની પાસે આવેલા એક મેડિકલ સ્ટોરની બહાર મંગળવારના રોજ એક શખ્સ આવ્યો અને તેણે રૂપિયા ફેંકવાનું શરૂ કરી દીધું. આ દરમિયાન આ શખ્સે 100, 200 અને 500 રૂપિયાની નોટ હવામાં ફેંકી. આ શખ્સે આવું 4 થી 5 વખત કર્યું અને પછી ત્યાંથી ચાલી ગયો. આ સંપૂર્ણ ઘટના સીસીટીવી કેમેરામાં કેદ થઇ ગઇ.
સીસીટીવીમાં તપાસ કરતા જાણવા મળ્યું કે ફેંકનાર શખ્સે સિક્યોરીટી ગાર્ડનો ડ્રેસ પહેર્યો હતો અને પોતાના ખિસ્સામાંથી રૂપિયા નિકાળી હવામાં ઉડાડી રહ્યો હતો. જો કે મળતી જાણકારી મુજબ રૂપિયા રોડ પર પડ્યાં હતા પરંતુ કોઇ તેને ઉઠાવાની હિંમત કરી રહ્યું નહોતું.
જો કે આ અંગેની જાણ થતાં પોલીસ ઘટનાસ્થળે પહોંચી ગઇ હતી. પોલીસે રોડ પર પડેલા રૂપિયા ઉઠાવી તપાસ માટે મોકલી દીધા છે. જો કે આ અગાઉ એવી ઘટના સામે આવી હતી કે જેમાં નોટ દ્વારા કોરોના વાયરસનાં સંક્રમણને ફેલવાનો પ્રયત્ન કરવામાં આવ્યો હતો.