coronavirus / કોરોનાના કહેરમાં અમદાવાદ વહેચાયું રેડ અને ઓરેન્જ ઝોનમાં, લોકોમાં સોશિયલ ડિસ્ટન્સનો જોવા મળી રહ્યો છે અભાવ

• કોરોનાના કહેરમાં અમદાવાદ વહેચાયું રેડ અને ઓરેન્જ ઝોનમાં
• ઓરેન્જ ઝોનમાં આવતા વિસ્તારોમા જનતા જાગૃતિનો અભાવ 
• ધ્યાન નહી રાખ્યુ તો ઓરેન્જ ઝોન, રેડ ઝોન બનતા નહિ લાગે વાર 

કોરોનાના કહેરને લઈને અમદાવાદનેરેડ અને ઓરેન્જ ઝોનમાં વહેંચવામાં આવ્યું છે. રેડ ઝોન વિસ્તારમાં પોલીસનો ચૂસ્ત બંદોબસ્ત હોવાથી લોકોએ ઘરથી બહાર નિકળવાનું ટાળ્યું છે. જ્યારે ઓરેન્જ ઝોનમાં આવતા તમામ વિસ્તારોની જનતામાં જાગૃતિનો અભાવ જોવા મળ્યો છે. જો ઓરેન્જ ઝોનમાં આવતા વિસ્તારના લોકો ધ્યાન નહી રાખે તો ઓરેન્જ ઝોનને રેડ ઝોન બનતા સમય નહી લાગે.

અમદાવાદમાં તંત્ર દ્વારા 42 વોર્ડને ઓરેન્જ ઝોનમાં જાહેર કરાયા છે. ઓરેન્જ ઝોનના મોટા ભાગના વિસ્તારોમાં શાકભાજી માર્ટેમાં લોકોની ભીડ જોવા મળી. લોકો દરરોજની જેમ આજે પણ સવારે મોર્નિંગ વોક પર નિકળ્યા હતા. લોકોમાં સોશિયલ ડિસ્ટન્સનો અભાવ જોવા મળ્યો હતો.

ઓરેન્જ ઝોનના વિસ્તાર કયા?

અમદાવાદમાં ઓરેન્જ ઝોનમાં પાલડી, નવરંગપુરા, નારણપુરા, રાણીપ, મોટેરા, વાસણા, ચાંદખેડા, સરખેજ, મકલતપુરા, જોધપુર, વેજલપુર, વટવા, મણિનગર, ઈન્દ્રાપુરી, ખોખરા, લાંભા, ઈસનપુર, નરોડા, સરસપુર, બાપુનગર, ઈન્ડિયા કોલોની, ઠક્કરબાપાનગર, સરદારનગર, કુબેરનગર, બોડકદેવ, ઘાટલોડિયા, સૈજપુર, ચાંદલોડિયા, થલતેજ, અસારવા, શાહીબાગ, ગોમતીપુર, અમરાઈવાડી, વિરાટનગર, ઓઢવ, નિકોલ, રામોલ, વસ્ત્રાલ, ભાઈપુરા વિસ્તારનો સમાવેશ કરવામાં આવ્યો છે. 

રેડ ઝોનના વિસ્તાર કયા?

અમદાવાદના આ વિસ્તાર દાણીલીમડા, બહેરામપુરા, જમાલપુર, ખાડીયા, દરિયાપુર, શાહપુરનો રેડ ઝોનમાં સમાવેશ કરવામાં આવ્યો છે.