જરાતમાં કોરોના વાયરસનો કહેર જોવા મળી રહ્યો છે. ત્યારે રાજ્યમાં સૌથી વધારે કોરોનાનો પ્રકોપ અમદાવાદ શહેરમાં જોવા મળી રહ્યો છે. ત્યારે અગાઉ શહેરમાં લોકડાઉનનું કડક પાલન તેમજ જાહેર સ્થળ પર માસ્ક ફરજિયાતને લઇને આદેશ કરવામાં આવ્યો હતો. તેમ છતાં લોકડાઉનના પગલે બહાર નીકળતા લોકો હજી પણ માસ્ક પહેરીને નીકળતાં નથી. ત્યારે હવે આજથી શહેરમાં મનપા દ્વારા સોશિયલ ડિસ્ટન્સ જાળવવા તેમજ માસ્કના નિયમોને વધુ કડકપણે પાલન કરવાનો આદેશ આપવામાં આવ્યો છે.
લોકડાઉનને લઇને અમદાવાદ મનપા બની વધુ કડક
સોશિયલ ડિસ્ટન્સ જાળવવા કડક કાર્યવાહી હાથ ધરાશે
આજથી અમદાવાદમાં માસ્કના નિયમો વધુ કડક બનશે
આજથી અમદાવાદ શહેરમાં મનપા કોઇપણ કારણ વગર બહાર નીકળતા લોકો તેમજ નિયમોનું પાલન નહીં કરનારાઓ પાસેથી આકરો દંડ વસૂલશે. જેમ કે કોઇપણ રસ્તા પર નીકળેલ જનતાએ માસ્ક ન પહેર્યું હોય તો 2 હજારથી 50 હજાર સુધીનો દંડ વસૂલશે.
આ સાથે કરિયાણાની દુકાનો, દૂધની ડેરીમાં પણ જો નિયમ ભંગ કરતો જોવા મળશે તો તેઓ પાસેથી 5000નો દંડ વસૂલવામાં આવશે. જ્યારે શહેરમાં સુપર માર્કેટસ કે મોલમાં નિયમનો ભંગ કરતા જોવા મળશે તો 50,000નો દંડ વસૂલવામાં આવશે.
આ સાથે શહરમાં તંત્ર દ્વારા ફેરિયાઓમાં મફત માસ્ક અને સેનેટાઇઝરનું વિતરણ કરવામાં આવશે. આમ સુપરસ્પ્રેડર્સના સંપર્કમાં આવતા પહેલા નાકરિકોએ કાળજી લેવી જરૂરી છે.
અમદાવાદ મ્યુનિસિપલ કોર્પોરેશન દ્વારા વેપારી અને ફેરિયાઓ માટે 3.50 લાખ કોટન માસ્ક તૈયાર કરવામાં આવ્યાં છે. આ સાથે શાકભાજીની લારીઓ પર અમદાવાદ મ્યુનિસિપલ કોર્પોરેશ જાગૃતિ માટે બેનર લગાવશે.