ગુજરાતમાં હાલ કોરોનાના કહેર વચ્ચે રાજ્યમાં લોકડાઉનો કડક અમલ કરાવામાં આવી રહ્યો છે. ત્યારે શહેરમાં લોકડાઉનનો ફાયદો લઇ ઘાટલોડિયા વિસ્તારમાંથી લેબોરેટીની આડમાં ચાલતાં જુગારધામનો પોલીસે પર્દાફાશ કર્યો છે. પોલીસે રેડ કરીને 11 જુગારીઓને ઝડપ્યાં હતા. જેમાં લેબોરેટરીના માલિકની પણ ધરપકડ કરવામાં આવી હતી.
ઘાટલોડિયા માં લેબોરેટરી ની આડમાં જુગરધામ નો પર્દાફાશ
લેબોરેટરી લોકડાઉનમાં ચાલુ રાખવાની મજૂરી મેળવી ને જુગારધામ શરૂ કર્યો
લેબોરેટરીના મલિક ધર્મેન્દ્ર પટેલ સહિત 11 લોકોની કરાઇ હતી ધરપકડ
અમદાવાદ શહેરના ઘાટલોડિયા વિસ્તારમાં આવેલી એક ડેન્ટલ લેબોરેટરીમાં લોકડાઉનનો ફાયદો ઉઠાવીને ચલાવામાં આવતા જુગારધામનો પોલીસે પર્દાફાશ કર્યો છે. જેમાં લેબોરેટરિના માલિક દ્વારા દુકાનનું અડધું શટર ખુલ્લુ રાખવામાં આવતું હતું. પોલીસે લેબોરેટરીના માલિક સહિત 11 ની ધરપકડ સાથે અંદાજે 25 હજારથી વધારેની રકમ કબજે કરી છે.
ઉલ્લેખનીય છે સરકાર દ્વારા કોરોના વાયરની મહામારીના પગલે જાહેર કરાયેલા લોકડાઉનમાં પણ મેડિકલ સ્ટોર, લેબોરેટરી, હોસ્પિટલ ચાલુ રાખવાની મંજૂરી આપી છે. ત્યારે મંજૂરીની આડમાં આ લેબોરેટરીમાં માલિક અને ટેકનિશિયનોએ જ જુગારધામ ચાલુ કરી દીધું હતું. અહીં જુગાર રમવા આવનારા દવા, દુધ, શાકભાજી જેવી વસ્તુઓના બહાના બનાવી જુગાર રમવા આવતા હતા.
આ અંગે પોલીસે મળેલી બાતમીના આધારે ઘાટલોડિયાની આ લેબોરેટરીમાં રેડ પાડી હતી. જેમાં લેબોરેટરીના માલિક ધર્મેન્દ્ર પટેલ સહિત 11 લોકોની ધરપકડ કરી હતી. જો કે ધરપકડ બાદ તમામ આરોપીઓને જામીન મળતા હાલ મુક્ત થયા છે.
જો કે પ્રાપ્ત મળતી વિગત અનુસાર આ લેબોરેટરીમાં જુગાર રમવા આવતાં લોકો પોતાનું વાહન લેબોરેટરીથી દૂર રાખતા હોવાનું બહાર આવ્યું છે. પોલીસને રેડ દરમિયાન તેઓના કોઇના વાહન ન મળતા હાલ પોલીસ આ દિશામાં તપાસ કરી રહી છે.