કોવિડ 19 / કોરોનાથી દેશની 'આર્થિક રાજધાની' બેહાલ, તો સુરતમાં આના લીધે વધી ગઈ ચિંતા

• કોરોનાના કેસો સતત વધી રહ્યા છે 
• મુંબઈમાં આજે પણ 9857 કેસ આવ્યા 
• દેશમાં પહેલી વાર એક લાખથી વધુ કેસ 

કોરોનાના વધતાં કેસોની સાથે જ્યાં મહારાષ્ટ્ર અને અન્ય રાજ્યોમાં કેસો વધી રહ્યા છે, જેની સાથે જ મુંબઈમાં પણ કેસો વધી રહ્યા છે. આજે પણ મુંબઈમાં 10 હજાર જેટલા જ કેસો આવ્યા હતા.

કોરોનાથી સામે આવ્યા રેકોર્ડબ્રેક કેસો 

છેલ્લા 24 કલાકમાં દેશમાં કોરોના વાયરસના રેકોર્ડબ્રેક 1 લાખથી પણ વધુ કેસો સામે આવી રહ્યા છે, જે પહેલીવાર થયું છે, આની પહેલા એક દિવસમાં સૌથી વધુ કેસ છેલ્લે સપ્ટેમ્બર 2020માં આવ્યા હતા, જ્યારે 97 હજારથી વધુ કેસ નોંધાયા હતા, જો કે આની સાથે જ દેશની માયાનગરી ગણાતા મુંબઈમાં પણ કોરોના દિનપ્રતિદિન વધુને વધુ ગંભીર બનતો જઈ રહ્યો છે, આજે પણ અહીં 9857 કેસ સામે આવ્યા હતા. 

મહત્વનું છે કે મહારાષ્ટ્રમાં કોરોનાનો કહેર વધતો જ જઈ રહ્યો છે, છેલ્લા 24 કલાકમાં મુંબઈમાં 9857 નવા કેસ નોંધાયા હતા અને 21 લોકોના મોત નિપજ્યાં હતા, આખા રાજ્યની વાત કરીએ તો કાલે અહીં રેકોર્ડબ્રેક 57 હજારથી પણ વધુ કેસો  નોંધાયા હતા. જો કે સાથે જ મુંબઇમાં આજે 3357 લોકો કોરોનાથી સાજા પણ થયા હતા. મહત્વનું છે કે અહીં કેસોનો ડબલિંગ રેટ હવે 40 દિવસનો થઈ ગયો છે

ગુજરાતના સુરતમાં ઑક્સીજન ખૂટી ગયું 

ગુજરાતના સુરતમાં કોરોના સંક્રમિતોની સંખ્યા વધવાની સાથે જ ઑક્સીજન પર રાખવામાં આવેલા દર્દીઓની સંખ્યા પણ વધી રહી છે, સુરત સિવિલ અને સ્મીમેર હોસ્પિટલમાં ઑક્સીજન સિલિન્ડરની ડિમાન્ડ પણ વધી રહી છે. મહત્વનું છે કે સુરતમાં કોરોના કેસોની કુલ સંખ્યા 67 હજારને પાર કરી ગઈ છે. જેના લીધે ઑક્સીજનની ડિમાન્ડ પણ વધી રહી છે, અને તેની માંગણી 200 ટન જેટલી વધી ગઈ છે.