ચિંતાજનક / ક્યારે રોકાશે આ વિનાશ? એક દિવસમાં 3. 45 લાખ નવા કેસ, 2671 મોત, જાણો તમારા રાજ્યમાં શું છે સ્થિતિ

• ભારતમાં 345, 147 નવા કેસ આવ્યા
• 2621 કોરોનાના દર્દીના મોત થયા
•  મરનારાની કુલ સંખ્યા વધીને 1, 89, 549 થઈ ગઈ

સતત ત્રીજા દિવસે 3 લાખથી વધારે કેસ આવ્યા છે. વર્લ્ડોમીટરના જણાવ્યાનુંસાર શુક્રવારે રાતે 12 વાગે 24 કલાકમાં ભારતમાં 345, 147 નવા કેસ આવ્યા છે.  ત્યારે આ દરમિયાન રેકોર્ડ બ્રેક 2621 કોરોનાના દર્દીના મોત થયા છે. સતત 8 દિવસોથી કોરોનાના દર્દીના મોતની સંખ્યા રેકોર્ડ તોડી રહી છે.

 મરનારાની કુલ સંખ્યા વધીને 1, 89, 549 થઈ ગઈ

દેશમાં મરનારાની કુલ સંખ્યા વધીને 1, 89, 549 થઈ ગઈ છે. અત્યાર સુધીમાં કોરોનાના કુલ સંક્રમિતોની સંખ્યા વધીને  1,66,02,456 થઈ ગઈ છે. દેશમાં એક્ટિવ કેસના દર્દીઓની સંખ્યા 25,43,914  પર પહોંચી ગઈ છે. આ કુલ સંક્રમિતોની સંખ્યાના 15.3 ટકા છે. આ પહેલા ગુરુવારે રાત સુધીમાં કોરોનાથી 3.32 લાખ નવા કેસ આવ્યા હતા. આ દરમિયાન 2250થી વધારે લોકોના મોત થયા ગતા. આ રીતે ભારતમાં દુનિયાભરમાં કોરોનાના મામલામાં રેકોર્ડ તુટ્યો છે. અમેરિકા પણ ડેલી કેસ મામલામાં ભારતથી પાછળ છુટી ગયો છે જે દેશ માટે ચિંતાનો વિષય છે.

સાજા થનારાનો દર સાડા 83 ટકા થયો છે

કોરોના સંક્રમિત લોકોના સ્વસ્થ થવાનો દર ઘટીને 83.5 ટકા રહી ગયો છે. આંકડાના જણાવ્યાનુસાર આ બિમારીથી સ્વસ્થ થનારા લોકોની સંખ્યા વધીને 
1,38,62,119 થઈ ગઈ છે.  રાષ્ટ્રીય સ્તર પર મૃત્યુ દર ઘટીને 1.1 ટકા થઈ ગયો છે.

8 રાજ્યોમાં 77 ટકા મોત

દેશમાં 24 કલાક દરમિયાન સૌથી વધારે મોત 773 મહારાષ્ટ્રમાં થઈ. આ બાદ દિલ્હીમાં 348, છત્તીસગઢમાં 219, ઉત્તર પ્રદેશમાં 196,  ગુજરાતમાં 142, કર્ણાટકામાં 190, પંજાબમાં 75 અને મધ્ય પ્રદેશમાં 74 લોકોના મોત થયા હતા.  આ 8 રાજ્યોમાં કુલ 2017 મોત થયા છે. જે કુલ 2620 મોતના 76.98 ટકા છે.

60 ટકાથી વધારે નવા સંક્રમિત ફ્ક્ત આ 7 રાજ્યોમાં મળ્યા

 મહારાષ્ટ્રમાં સૌથી વધારે 66,836 નવા કેસ, આ બાદ ઉત્તર પ્રદેશમાં 28447, દિલ્હીમાં 24331, કર્ણાટકમાં 26962, કેરળમાં 28447, રાજસ્થાનમાં 15398 અને છત્તીસગઢમાં 17397 નવા દર્દીઓ મળ્યા. આ 7 રાજ્યોમાં કુલ સંક્રમિતોમાં 60. 24 ટકા હિસ્સો ધરાવે છે.