24 કલાકમાં ભારતમાં 3, 15, 478 નવા કેસ મળ્યા છે. અત્યાર સુધી એક દિવસમાં નોંધાયેલા દુનિયાના સૌથી વધારે આંકડા છે.
24 કલાકમાં ભારતમાં 3, 15, 478 નવા કેસ મળ્યા
ભારતમાં એક દિવસમાં દુનિયાના સૌથી વધારે આંકડા નોંધાયા
24 કલાકમાં કુલ 2101 કોરોનાના દર્દીઓએ શ્વાસ છોડ્યો
24 કલાકમાં ભારતમાં 3, 15, 478 નવા કેસ મળ્યા
ભારતમાં કોરોનાની બીજી લહેરના વિકરાળ રુપનો અંદાજો એ વાતથી લગાવી શકાય છે કે દેશમાં સંક્રમણના આંકડાએ સમગ્ર દુનિયાના રેકોર્ડ તોડી નાંખ્યા છે. વર્લ્ડોમીટરના જણાવ્યાનુસાર બુધવારે રાતે 12 વાગ્યા સુધી 24 કલાકમાં ભારતમાં 3, 15, 478 નવા કેસ મળ્યા છે. મહામારીની શરુઆતથી લઈને અત્યાર સુધી એક દિવસમાં નોંધાયેલા દુનિયાના સૌથી વધારે આંકડા છે. આ માટે વિશ્વમાં એક દિવસમાં સૌથી વધારે નવા સંક્રમિત મળવાનો રેકોર્ડ અમેરિકાનો હતો.
24 કલાકમાં કુલ 2101 કોરોનાના દર્દીઓએ શ્વાસ છોડ્યો
અમેરિકામાં 8 જાન્યુઆરી 2021ના રોજ 3, 07, 570 નવા કેસ મળ્યા હતા. પરંતુ હવે આ મામલામાં ભારત સૌથી આગળ નિકળી ગયું છે. સતત 6 દિવસથી રોજ થનારા મોતની સંખ્યામાં રેકોર્ડ તોડી રહ્યું છે. 24 કલાકમાં કુલ 2101 કોરોનાના દર્દીઓએ શ્વાસ છોડ્યો છે. આ સાથે દેશમાં મરનારાઓની કુલ સંખ્યા 1, 84, 672 થઈ છે. અત્યાર સુધીમાં કોરોનાના કુલ કેસ 1, 59, 24, 732 થઈ ગઈ છે. દેશમાં સારવાર લઈ રહેલા દર્દીઓની સંખ્યા 22, 84, 209 પર પહોંચી ગઈ છે. આ કુલ સંક્રમિતોની સંખ્યાના 14.3 ટકા છે.
સાજા થનારાનો દર 85 ટકાથી નીચે
કોરોના સંક્રમિત લોકોના સ્વસ્થ્ય થવાનો દર ઘટીને 84.5 ટકા રહી ગયો છે. આંકડા મુજબ આ બિમારીથી સ્વસ્થ થનારા લોકોની સંખ્યા 1,34, 47, 040 થઈ ગઈ છે. કોરોનાથી રાષ્ટ્રીય સ્તર પર મૃત્યુ દર ઘટી 1.20 ટકા થઈ ગઈ છે. પરંતુ મહારાષ્ટ્રમાં આ દર 1.5 ટકા અને પશ્ચિમ બંગાળમાં 1.6 ટકા છે.
8 રાજ્યોમાં 75 ટકા મોત
દેશમાં 24 કલાક દરમિયાન સૌથી વધારે 568 લોકોના મોત મહારાષ્ટ્રમાં થઈ. આ બાદ દિલ્હીમાં 249, છત્તીસગઢમાં 193, ઉત્તર પ્રદેશમાં 187, ગુજરાતમાં 125, કર્ણાટકામાં 116, પંજાબમાં 69 અને મધ્ય પ્રદેશમાં 75 લોકોના મોત થયા હતા. આ 8 રાજ્યોમાં કુલ 1556 મોત થયા છે. જે કુલ 2101 મોતના 75.2 ટકા છે.
59 ટકા નવા સંક્રમિત ફક્ત 6 રાજ્યોમાં
મહારાષ્ટ્રમાં સૌથી વધારે 67,468 નવા સંક્રમિત મળ્યા. આ બાદ ઉત્તર પ્રદેશમાં 33106 , દિલ્હીમાં 24638, કર્ણાટકમાં 23558, કરેળમાં 22414 અને છત્તીસગઢમાં 14519 નવા કોરોનાના દર્દી મળ્યા છે.