એક મકાનમાલિકે 18 ઈમારતોમાં બનેલા પોતાના 80 એપાર્ટમેન્ટમાં રહેનારા 200થી વધારે ભાડુઆતથી એપ્રિલનું ભાડું લેવાની ના પાડી છે. આ કિસ્સો અમેરિકાના ન્યૂયોર્કનો છે. ન્યૂયોર્કના બ્રૂકલિનમાં રહેનારા મકાન માલિકનું કહેવું છે કે કોરોના વાયરસને લઈને તે પોતાના ભાડુઆતને સ્ટ્રેસમાં જોવા ઈચ્છતા નથી.
કોરોના સંકટમાં મકાનમાલિકે બતાવી દરિયાદિલી
આ મકાન માલિકે મકાન માલિકોનું ભાડું કર્યું કેન્સલ
એપ્રિલ મહિનાનું 200થી વધારે ભાડુઆતનું ભાડું કર્યું માફ
મળતી માહિતી અનુસાર મહામારીના સમયમાં લોકોની મદદ કરનારા મકાન માલિકનું નામ છે મારિયો સલેરનો. તેઓએ પોતાના એપાર્ટમેન્ટ બિલ્ડિંગ્સની બહાર પોસ્ટર ચોંટાડીને એપ્રિલ મહિનાનું રેન્ટ માફ કરવાની સૂચના ભાડુઆતોને આપી છે.
અનેક લોકોની નોકરી થઈ બંધ, ભાડું ભરવું બન્યું મુશ્કેલ
અમેરિકાના ન્યૂયોર્કમાં કોરોના વાયરસનો કહેર વધારે છે. મોટી સંખ્યામાં લોકોના મોત સિવાય કામ બંધ થવાથી સેંકડો લોકોની નોકરી પણ જતી રહી છે. અમેરિકાના અન્ય મોટા શહેરોથી વધારે ન્યૂયોર્કમાં લાખો લોકો ભાડે રહે છે. અનેક લોકોની મહિનાની સેલેરીનો મોટો ભાગ રેન્ટમાં જતો રહે છે. મારિયોએ પોતાના ભાડુઆતોને રેન્ટ માફ કરવાની સાથે એ પણ સલાહ આપી છે કે તેઓ સુરક્ષિત રહે અને પડોશીઓની મદદ કરે. મારિયાના એપાર્ટમેન્ટ જે વિસ્તારમાં છે ત્યાં 2BHK એપાર્ટમેન્ટનો સામાન્ય ભાડું 2 લાખ 13 હજાર રૂપિયા એક મહિનાનું હોય છે.
ન્યૂયોર્કવાસીઓને ભાડું ભરવાની છે ચિંતા
અમેરિકાની ઈકોનોમીને સતત ઝટકો લાગવાના કારણે મોટી સંખ્યામાં ન્યૂયોર્કવાસીઓને માટે ભાડું ભરવાનું મુશ્કેલ બન્યું છે. મારિયોએ કહ્યું કે તેઓને ચિંતા નથી કે આ મહિનાનું આટલા લોકોનું ભાડું નહીં લે તો તેમને કેટલું નુકસાન થશે. તેઓએ કહ્યું કે તેમના 80 એપાર્ટમેન્ટમાં 200થી 300 લોકો રહે છે.
કેટલાકે મેસેજથી કહ્યું કે તેઓ ભાડું આપી શકે તેમ નથી
મારિયોએ કહ્યું કે હાલમાં તેઓ ફક્ત એટલું જ ઈચ્છે છે કે તેમના ભાડુઆત સ્ટ્રેસમાં ન રહે. ખાસ કરીને તેમની નોકરી પણ નથી ગઈ અને જે ઘરેથી કામ કરી રહ્યા છે તેમની હેલ્થની તેમને ચિંતા છે. 59 વર્ષના મારિયોએ કહ્યું કે તેઓએ ભાડુઆતને કહ્યું કે તે પડોશીઓનો ખ્યાલ રાખે અને સાથે તે નક્કી કરે કે દરેક વ્યક્તિના ટેબલ પર ખાવાનું મળી રહે. તેઓએ કહ્યું કે છેલ્લા મહીને કેટલાક ભાડુઆતોએ મેસેજ કરીને કહ્યું હતું કે તેઓ ભાડું આપી શકે એમ નથી. આર્યલેન્ડના તો 3 ભાડુઆતો સામાન લઈને ચાલ્યા ગયા હતા.