કોરોના સંકટ / જૂનાગઢ હોસ્પિટલની ફરી એક બેદરકારી સામે આવી, PPE કીટ જ્યાં ત્યાં ફેકી દેવાયાં

• જૂનાગઢ સિવિલની ફરી એક બેદરકારી આવી સામે
• PPE કીટ સિવિલ હોસ્પિટલમાં જ્યાં ત્યાં ફેકી દેવાયાં
• કોરોનાના દર્દીઓની સારવાર દરમિયાન ઉપયોગ થાય છે PPE કીટ

ગુજરાતમાં વધતા કોરોના કેસને લઇને જ્યાં ચિંતા જોવા મળી રહી છે. ત્યારે બીજી તરફ સરકારી તંત્ર દ્વારા કરવામાં આવી રહેલી ઘોર બેદરકારીઓ સામે આવી રહી છે. રાજ્યના જૂનાગઢ શહેરમાં હાલ કોરોના પોઝિટિવ કેસોની સંખ્યા વધી રહી છે. ત્યારે ફરી શહેરની સિવિલ હોસ્પિટલ વિવાદમાં સપડાતી જોવા મળી રહી છે. 

કોરોનાના વધતા કેસ વચ્ચે જૂનાગઢ સિવિલ તંત્રની બેદરકારી સામે આવી છે. ડોક્ટર કોરોના દર્દીની સારવાર દરમિયાન જે PPE કીટ પહેરે છે તે જ PPE કીટ સિવિલ હોસ્પિટલની બહાર પડેલી જોવા મળી.

ઉલ્લેખનીય છે કે કોરોનાના દર્દીની સારવાર માટે વાપરવામાં આવેલી PPE કીટનો યોગ્ય જગ્યાએ નાશ કરવો પડે છે. પરંતુ સિવિલ દ્વારા બેદરકારી રાખી અને PPE કીટને જ્યાં ત્યાં ફેંકી દેવાઇ છે. ત્યારે આવી બેદરકારીથી લોકોના જીવને જોખમ થઇ શકે છે. ત્યારે તંત્ર દ્વારા કરવામાં આવેલી આવી ઘોર બેદરકારીને લઇને અનેક સવાલો ઉભા થયા છે. 

સળગતાં સવાલ

• કેમ જ્યાં ત્યાં ફેંકી દેવાઇ PPE કીટ?
• વધતા કેસ છતા જૂનાગઢ સિવિલ તંત્ર બેદરકાર કેમ?
• કોઇને સંક્રમણ થયું તો જવાબદાર કોણ?
• લોકોના જીવ સાથે ચેડા કેમ?
• PPE કીટનો યોગ્ય જગ્યાએ નાશ કેમ ન કરાયો?