તમારા કામનું / હોળી-ધૂળેટીમાં ફરવા જવાનું વિચારતા હોય તો ખાસ વાંચો, સૌરાષ્ટ્રના આ મંદિર રહેશે બંધ

• જલારામ મંદિર બંધ રાખવાનો નિર્ણય
• હોળીના તહેવારોમાં મંદિર બંધ રહેશે
• 4 દિવસ મંદિર બંધ રહેશે

મળતી વિગતો પ્રમાણે, વિરપુરમાં આવેલું જલારામ મંદિર હોળીના તહેવારોમાં બંધ રાખવાનો નિર્ણય કરવામાં આવ્યો છે. 

જલારામ મંદિર રહેશે બંધ

વધતા જતા કોરોનાના સંક્રમણને લઇને મંદિર સંચાલકોએ આ નિર્ણય કર્યો છે. આથી હોળીના તહેવારો દરમિયાન 4 દિવસ મંદિર બંધ રહેશે. આમ, આગામી 27થી 30 માર્ચ સુધી જલારામ મંદિર બંધ રાખવામાં આવશે. 

દ્વારકા મંદિર પણ રહેશે બંધ

દ્વારકાધીશ જગતમંદિર 27મી માર્ચથી 29મી સુધી ભાવિકો માટે બંધ કરાયું છે.

ગુજરાતમાં 24 કલાકમાં નોંધાયા 1730 નવા કેસ 

રાજ્યમાં દિવસેને દિવસ કોરોનાના કેસમાં ઉછાળો નોંધાઇ રહ્યો છે. સોમવારે અત્યાર સુધીના રેકોર્ડ બ્રેક કેસ નોંધાતા ચિંતા વધી હતી ત્યારે ગત 24 કલાકમાં કોરોનાના 1730 કેસ નોંધાયા છે. રાજ્ય સરકાર દ્વારા જાહેર કરવામાં આવેલ આંકડા પ્રમાણે રાજ્યમાં 1255 દર્દીઓ સાજા થયાં છે. આ સાથે જ અત્યાર સુધીમાં 2,77,603 કોરોના મુક્ત થયાં છે. તો  4 લોકોના સારવાર દરમિયાન મોત થયાં છે. આમ ગુજરાતમાં અત્યાર સુધીમાં 4458 લોકોના મોત કોરોનાને કારણે થયાં છે.  

ગઇકાલે નોંધાયા હતા 1640 નવા કેસ 

ઉલ્લેખનીય છે કે, 19 માર્ચ 2020ના રોજ ગુજરાતમાં પ્રથમ કેસ નોંધાયો હતો. જ્યારે કોરોના પોતાની ઊંચાઈ પર હતો અને જ્યારે ગુજરાતમાં સૌથી વધુ કેસ 27 નવેમ્બર 2020ના રોજ 1607 નોંધાયા હતા. ગઇકાલે રાજ્યના રેકોર્ડ બ્રેક કેસ ગઇકાલે નોંધાયા હતા. જેનો 1640 હતો.

મહારાષ્ટ્રની જેમ ગુજરાતમાં પણ ચિંતા વધી 

મહારાષ્ટ્રની જેમ ગુજરાતમાં પણ કોરોનાનું સંક્રમણ દિવસેને દિવસે વધી રહ્યું છે. ખાસ કરીને આજે નોંધાયેલા કેસ એ ગુજરાતના ઇતિહાસમાં પ્રથમ વખત છે. જેમાં અત્યાર સુધીના સૌથી વધુ કેસ નોંધાયેલા છે. 

સુરત અને અમદાવાદમાં કોરોનાનો હાહાકાર

સ્થાનિક સ્વરાજ્યની ચૂંટણી બાદ ફરી કોરોનાએ માથું ઉચક્યું છે. કોરોનાના કેસમાં સતત વધારો થતા ચિંતા વધી છે. સુરત શહેરમાં રાજ્યના સૌથી વધુ 476 કેસ અને ગ્રામ્યમાં 101 નવા કેસ નોંધાયા છે. જ્યારે અમદાવાદ શહેરમાં 502 નવા કેસ, જ્યારે અમદાવાદ ગ્રામ્યમાં 7 કેસ નોંધાયા છે. વડોદરા શહેરમાં 142 કેસ, જ્યારે ગ્રામ્યમાં 23 કેસ નોંધાયા. રાજકોટ શહેરમાં 117 કેસ અને ગ્રામ્યમાં 23 કેસ નોંધાયા છે.