કોરોના વાયરસનો ત્રાસ દિવસેને દિવસે વધી રહ્યો છે. ચીનથી શરુ થયેલા આ વાયરસનો ચેપ હવે અહીંથી બીજા દેશ સુધી પહોંચી ગયો છે. WHOનાં જણાવ્યાનુંસાર કોરોના વાયરસનો ખતરો હજું વધશે ત્યારે હોંગકોંગમાં એક એપાર્ટમેન્ટમાં પાઈપનાં માધ્યમથી લોકોને કોરોના વાયરસનો ચેપ લાગી રહ્યો છે. આ જાણકારી મળ્યા બાદ બિલ્ડિંગમાં રહેતા ડઝનથી વધારે લોકોને બહાર કાઢવામાં આવી રહ્યાં છે. બે અલગ અલગ ફ્લોર પર કોરોના વાયરસનાં 2 દર્દી મળ્યા બાદ આ એપાર્ટમેન્ટના લોકો ચિંતામાં ગરકાવ થઈ ગયા હતાં.
બાથરુમની પાઈપ લીક થતા કોરોના ફેલાયો
અધિકારીઓએ આ બિલ્ડિંગમાંથી ડઝનથી વધારે લોકોને બહાર કાઢ્યા
સંયુક્ત અરબ અમીરાતમાં એક ભારતીયમાં કોરોના વાયરસ
એક અખબારમાં દર્શાવાયું હતું કે બિલ્ડીંગમાં એક અનસિલ્ડ બાથરુમની પાઈપ મળ્યા બાદ અધિકારીઓએ લોકોને બહાર કાઢવાનો નિર્ણય કર્યો હતો. ત્યાં રહેનારા એક વ્યક્તિને કોરોનાનો ચેપ લાગ્યો હતો એ બાદ તેના 10 ફ્લોર નીચે રહેનારી 62 વર્ષીય મહિલાને પણ ઝપેટમાં લીધી હતી.
આ અનસિલ્ડ પાઈપ પણ આજ મહિલાના ઘરમાંથી મળી હતી. આ ઉપરાંત અન્ય 4 લોકોમાં પણ આ કોરોના વાયરસના લક્ષણો મળ્યા હતાં. ત્યાંના અધિકારીઓએ તાત્કાલીક પગલા ભરી ત્યાનાં સ્થાનિકોને બહાર કાઢ્યાં હતાં.
સંયુક્ત અરબ અમીરાતમાં કોરોના વાયરસથી પીડિત એક ભારતીય હોવાનું બહાર આવ્યું છે. આ સાથે જ ત્યાંના દર્દીઓની સંખ્યામાં વધારો થઈ રહ્યો છે. જે આંક 8 સુધી પહોચી ગયો છે. આ ઉપરાંત ચીન અને ફિલીપાઈન્સના 2 લોકોમાં પણ આ વાયરસગ્રસ્ત હોવાનું સામે આવ્યું છે આ તમામને સારવાર માટે દાખલ કર્યાં છે.