Coronavirus / માણસો બાદ હવે આ પ્રાણીઓમાં પણ ફેલાયો કોરોના વાયરસ, અહીં નોંધાયો પ્રથમ કેસ

• કોરોના વાયરસ હવે પ્રાણીઓમાં ફેલાયો
• માણસોની સાથે-સાથે પ્રાણીઓને પણ શિકાર બનાવી રહ્યો છે
• અત્યાર સુધીમાં ત્રણ હજારથી વધુ લોકોનાં મોત નીપજ્યાં છે

દુનિયાભરમાં કેર મચાવી રહેલો કોરોના વાઈરસ દિવસેને દિવસે વધુ જીવલેણ બની રહ્યો છે. કોરોનાના ચેપને કારણે વિશ્વમાં અત્યાર સુધીમાં ત્રણ હજારથી વધુ લોકોનાં મોત નીપજ્યાં છે અને ૯૦ હજારથી વધુ લોકો તેનાથી ચેપગ્રસ્ત છે. હવે આ ઘાતક વાઈરસ (કોવિડ-૧૯) માણસોની સાથે-સાથે પ્રાણીઓને પણ શિકાર બનાવી રહ્યો છે. 

હોંગકોંગમાં કોરોના વાઈરસથી સંક્રમિત એક મહિલાના પાળતું કૂતરામાં કોરોનાના ચેપની પુષ્ટિ થઈ છે. માનવીમાંથી પ્રાણીમાં આ વાઈરસનો ચેપ લાગવાનો કદાચ આ સૌ પ્રથમ કેસ છે.

આ પાળતું કૂતરો એક ૬૦ વર્ષીય મહિલાનો છે, જે કોરોના વાઈરસના ચેપથી પીડાય છે. ગત શુક્રવારથી આ કૂતરો કોરોના વાઈરસથી આંશિકરૂપે પીડિત હોવાની પુષ્ટિ મળી રહી છે. ત્યારથી જ આ કૂતરાને એક પ્રાણી કેન્દ્રમાં અલગ રાખવામાં આવ્યો છે. શહેરના કૃષિ, મત્સ્ય સંરક્ષણ વિભાગ (એએફસીડી)એ આ પોમેરિયન કૂતરાની તપાસ કરી હતી અને તે કોરોનાથી પીડિત હોવાનું જાણવા મળ્યું હતું.