- અમેરિકામાં શાળા ખુલતાની સાથે જ કોરોના બેકાબૂ
- સાત દિવસમાં 1.41 લાખ બાળકો કોરોનાની ચપેટમાં આવ્યાં
- ઓક્ટોબરમાં 5 થી 11 વર્ષની વયના 8,300 બાળકો કોરોના ગ્રસ્ત થયાં હતાં
અમેરિકામાં એક સપ્તાહમાં 1.41 લાખથી વધુ બાળકો સંક્રમિત થયા
કોરોના મહામારીથી ખરાબ રીતે પ્રભાવિત અમેરિકામાં આ વાયરસ હવે વધુને વધુ બાળકોને પોતાનો શિકાર બનાવી રહ્યો છે. વાયરસનું આ સ્વરૂપ વિશ્વ માટે ખતરાની ઘંટડી બની શકે છે. અમેરિકન એકેડેમી ઓફ પેડિયાટ્રિક્સના અહેવાલ મુજબ, ગયા સપ્તાહે 11 થી 18 નવેમ્બરની વચ્ચે, 1,41,905 બાળકો સંક્રમિત થયાની પુષ્ટિ થઈ છે. ઉલ્લેખનીય છે કે, અમેરિકાની વસ્તીના 22 ટકા બાળકો છે. ત્રણ ટકાથી ઓછા બાળકો રોગચાળાની ઝપેટમાં આવી ગયા છે,
બાળકોમાં મૃત્યુનું જોખમ ઓછું છે
અમેરિકન એકેડેમી ઓફ પેડિયાટ્રિક્સના અહેવાલ મુજબ, સંક્રમણને કારણે બાળકોમાં મૃત્યુ દર ખૂબ જ ઓછો છે. અમેરિકાના છ રાજ્યોમાં કોરોનાથી એક પણ બાળકનું મોત થયું નથી. બાળકોમાં સંક્રમણના સામાન્ય લક્ષણો જોવા મળે છે. આનું કારણ એ છે કે બાળકોને સમયાંતરે ઈન્ફલ્યુએન્ઝા, મેનિન્જાઇટિસ, ચિકનપોક્સ અને હેપેટાઇટિસ માટે રસી આપવામાં આવે છે, જે તેમની રોગપ્રતિકારક શક્તિને મજબૂત બનાવે છે. જેને લઈને મૃત્યુનું જોખમ ઓછું હોય છે
ઓક્ટોબરમાં 172 બાળકોના મોત થયા હતા
સેન્ટર્સ ફોર ડિસીઝ કંટ્રોલ એન્ડ પ્રિવેન્શન અનુસાર, ઓક્ટોબરમાં 5 થી 11 વર્ષની વયના 8,300 બાળકોને સંક્રમિત થયા બાદ હોસ્પિટલમાં દાખલ કરવામાં આવ્યા હતા. જેમાંથી 172 મૃત્યુ પામ્યા હતા.સીડીસીએ જણાવ્યું છે કે રોગચાળાની ઝડપી ગતિ વચ્ચે 2,300 શાળાઓ બંધ કરવામાં આવી હતી, જેના કારણે 1.2 મિલિયન બાળકોના શિક્ષણને અસર થઈ હતી. હવે શાળા ખુલતાની સાથે જ કોરોના સંક્રમણ બેકાબૂ થવા લાગ્યો છે, જે આવનારા સમય માટે ચેતવણી સમાન છે.
તમામ ઉંમરના બાળકોમાં સંક્રમણનો ચેપ વધી રહ્યો છે
યુએસ નેશનલ ઇન્સ્ટિટ્યૂટ ઑફ એલર્જી એન્ડ ઇન્ફેક્શન ડિસીઝના ડિરેક્ટર ડૉ. એન્થોની ફૌસીએ સ્વીકાર્યું કે તાજેતરના સમયમાં તમામ ઉંમરના બાળકોમાં કોરોના સંક્રમણના ચેપનું પ્રમાણ વધી રહ્યું છે, જે ચિંતાજનક સ્થિતિ છે. તેમણે વધુમાં ઉમેર્યું કે, આપણી આસપાસ અનેક પ્રકારના વાયરસ ફરતા હોય છે. બાળકોના સંબંધમાં ખૂબ કાળજી લેવી પડશે, નહીંતર પરિસ્થિતિ ફરી એક વખત વણસી શકે છે.
ભારતમાં પણ કોરોનાનું સંક્રમણ વધ્યું છે
ભારતમાં કોરોનાની ગતિ ધીમી છે, પરંતુ બાળકોમાં ચેપના કેસ વધવા લાગ્યા છે. ઓડિશાની શાળામાં, 53 છોકરીઓ સાથે 22 MBBS વિદ્યાર્થીઓમાં કોરોનાની ચપેટમાં આવ્યાં છે. જ્યારે જયપુરની જયશ્રી પેરીવાલ ઇન્ટરનેશનલ સ્કૂલના 12 બાળકોને મંગળવારે ચેપ લાગ્યો છે. બીજી બાજુ 17 નવેમ્બરના રોજ, અઢી વર્ષના બાળકનું ચેપથી મૃત્યુ થયું હતું. ગુજરાતમાં 18 મહિનામાં 0 થી 14 વર્ષના 19 હજાર બાળકોને ચેપ લાગ્યો છે.
