દેશમાં કોરોનાના કુલ કેસમાં દિવસે ને દિવસે સતત વધારો થઈ રહ્યો છે. છેલ્લા 24 કલાકમાં દેશમાં રેકોર્ડ બ્રેક કેસ એટલે કે કુલ 9034 કેસ આવ્યા છે. આ સાથે એક દિવસમાં 260 લોકોના મોત પણ થયા છે. દેશમાં કોરોનાનો કુલ આંક 2,16,919ને પાર પહોંચ્યો છે. હાલમાં કુલ એક્ટિવ કેસની સંખ્યા 1,06,737 પહોંચી છે. તો કુલ 1,04,107 દર્દીઓને સારવાર બાદ રજા આપવામાં આવી છે. દેશમાં કુલ 6075 લોકોના મોત થયા છે.
24 કલાકમાં નોંધાયા 9034 કેસ, 260 મોત
કોરોનાનો કુલ આંક 2,16,919ને પાર
કુલ એક્ટિવ કેસની સંખ્યા 1,06,737 પહોંચી
દેશમાં કોરોનાનો કહેર સતત વધી રહ્યો છે પરંતુ આ સાથે રાહતની વાત એ પણ છે કે કુલ કેસના લગભગ 50 ટકા દર્દીઓ સાજા થયા છે એટલે કે કુલ આંક 2,16,919ને પાર છે તો સાથે જ કુલ 1,04,107 દર્દીઓને સારવાર બાદ રજા આપવામાં આવી છે.
India reports 9,304 new #COVID19 cases & 260 deaths in the last 24 hours. Total number of cases in the country now at 2,16,919 including 1,06,737 active cases, 1,04,107 cured/discharged/migrated and 6,075 deaths: Ministry of Health and Family Welfare pic.twitter.com/C5y6EAqCO7
મહારાષ્ટ્ર કોરોનાથી સૌથી વધુ અસરગ્રસ્ત છે. અહીં દર્દીઓની કુલ સંખ્યા લગભગ 75 હજાર છે. અત્યાર સુધીમાં 2 હજાર 587 લોકોએ પોતાનો જીવ ગુમાવ્યો છે, જ્યારે 32 હજારથી વધુ લોકો સાજા થયા છે. હાલમાં લગભગ 40 હજાર જેટલા સક્રિય કેસ છે. તમિલનાડુ બીજા નંબરે છે, લગભગ 26 હજાર કેસ નોંધાયા છે, જેમાં 208 લોકોનાં મોત નીપજ્યાં છે.
કોરોના કેસમાં દિલ્હી ત્રીજા ક્રમે
કુલ કોરોના મામલામાં દિલ્હી ત્રીજા ક્રમે છે. અહીં સુધીમાં 23 હજાર 645 કેસ નોંધાયા છે, જેમાં 606 લોકોનાં મોત નીપજ્યાં છે, જ્યારે 9542 લોકો સાજા થયા છે. તે જ સમયે, ગુજરાતમાં દર્દીઓની કુલ સંખ્યા વધીને 18 હજાર 100 થઈ ગઈ છે, જેમાં 1122 લોકોનાં મોત નીપજ્યાં છે.
રાજસ્થાનમાં કોરોનાની સ્થિતિ આવી છે
તે જ સમયે, રાજસ્થાનમાં દર્દીઓની કુલ સંખ્યા 9652 છે, જેમાં 209 લોકો મૃત્યુ પામ્યા છે. મધ્ય પ્રદેશમાં દર્દીઓની કુલ સંખ્યા 8588 છે, જેમાંથી 371 લોકો મૃત્યુ પામ્યા છે. ઉત્તર પ્રદેશમાં દર્દીઓની સંખ્યા 8729 છે, જેમાં 229 લોકોએ જીવ ગુમાવ્યો છે.