દેશમાં કોરોના વાયરસથી સાજા થનારાની સંખ્યા એક્ટિવ કેસથી લગભગ 25 હજાર વધારે છે. કોરોના સંકટની વચ્ચે કેટલાક રાજ્યોમાં સ્થિતિ સુધરતી દેખાઈ રહી છે. દેશના 18 રાજ્યોમાંથી રિકવરી રેટને લઈને સારા સમાચાર આવી રહ્યા છે. સૌથી વધારે પ્રભાવિત મહારાષ્ટ્રમાં પણ નવા કેસ આવવાનો દર ઘટ્યો છે. જ્યારે દિલ્હીમાં કેસ વધી રહ્યા છે. ગુજરાતની સ્થિતિ સારી થઈ રહી છે.
કોરોના સંકટમાં આવ્યા સારા સમાચાર
દેશના 18 રાજ્યોમાં વધ્યો રિકવરી રેટ
એક્ટિવ કેસ કરતાં રિકવર થનારાની સંખ્યા વધી
કોરોના સંકટનો શિકાર બની રહેલા ભારત માટે સારા સમાચાર આવી રહ્યા છે. 10 જૂનથી ભારતમાં રિકવર થનારા દર્દીની સંખ્યા એક્ટિવ કેસ કરતાં પણ વધી છે. 15 જૂન સુધી લગભગ 1.75 લાખ પેશન્ટ કોરોનાથી સાજા થયા છે. જ્યારે એક્ટિવ કેસ લગભગ દોઢ લાખ જેટલા છે. કુલ મળીને ભારતના 18 રાજ્યો એવા છે જ્યાં કોરોનાથી રિકવર થનારાની સંખ્યા એક્ટિવ કેસથી વધી છે. એટલે કે એનો મતલબ એ નથી કે કોરોના ખરાબ સ્થિતિમાંથી પસાર થઈ ચૂક્યો છે. સૌથી વધારે પ્રભાવિત મહારાષ્ટ્રમાં પણ નવા કેસ આવવાનો દર ઘટ્યો છે. જ્યારે દિલ્હીમાં કેસ વધી રહ્યા છે. ગુજરાતની સ્થિતિ સારી થઈ રહી છે. તમિલનાડુમાં ઝડપથી કેસ સામે આવી રહ્યા છે. અનેક રાજ્યો એવા છે જ્યાં સુધી કોરોનાનો પ્રકોપ ન હતો. પરંતુ હવે રોજના કેસ રિપોર્ટ થઈ રહ્યા છે.
દિલ્હી, ઝારખંડમાં નવા કેસ પણ વધ્યા, એક્ટિવ કેસમાં પણ થયો વધારો
દિલ્હી, હરિયાણા, અસમ, છત્તીસગઢ અને ઝારખંડ એ રાજ્યોમાંથી છે, જ્યાં કોરોનાના નવા કેસ સતત વધી રહ્યા છે. અહીં એક્ટિવ કેસની સંખ્યા રિકવરી રેટથી વધારે છે. મોટા રાજ્યોમાં ફક્ત તમિલનાડુ અપવાદ છે. જ્યાં રિકવર્ડ પેશન્ટ વધારે છે. હરિયાણામાં ગયા મહિના સુધી બધું કાબૂમાં લાગી રહ્યું હતું પરંતુ આ મહિને મોટી સંખ્યામાં કેસ સામે આવ્યા છે.
બંગાળ, તેલંગાણામાં વધ્યું ટેન્શન, આંધ્રપ્રદેશ અને ઓરિસ્સામાં પણ વધુ રિકવરી
આંધ્રપ્રદેશ, ઓરિસ્સા અને ઉત્તરાખંડમાં કેસની નેશનલ એવરેજ 3.8 ટકાથી થોડી વધારે છે. અહીં રિકવર્ડ કેસની સંખ્યા એક્ટિવ કેસથી વધારે છે. આંધ્ર અને ઓરિસ્સામાં છેલ્લા થોડા દિવસથી અનેક નવા કેસનો આંક ઝડપથી વધી રહ્યો છે. પશ્ચિમ બંગાળ અને તેલંગાણામાં એક્ટિવ કેસની સંથ્યા રિકવર્ડ દર્દીઓથી વધારે છે. છેલ્લા કેટલાક અઠવાડિયામાં આ 2 રાજ્યોમાં કેસ અનેક ગણા વધી રહ્યા છે.
મહારાષ્ટ્ર, જમ્મૂ કાશ્મીર અને કેરળમાં બંને આંકડા લગભગ બરાબર
નેશનલ એવરેજથી ઓછા ગ્રોથ રેટવાળા રાજ્યોમાં મિક્સ્ડ પેટર્ન જોવા મળી રહી છે. કેરળ, મહારાષ્ટ્ર અને જમ્મૂ કાશ્મીરમાં એક્ટિવ અને રિકવર્ડ કેસની સંખ્યા લગભગ બરાબર છે. ઉત્તરપ્રદેશ, કર્ણાટક અને બિહારમાં રિકવર્ડ દર્દી એક્ટિવ કેસથી વધારે છે.
પંજાબ, મધ્યપ્રદેશ, રાજસ્થાન અને ગુજરાતે કર્યું કંટ્રોલ
દેશ માટે ચિંતાની વાત એ છે કે નવા રાજ્યોમાં કોરોના ઝડપથી ફેલાઈ રહ્યો છે. અત્યાર સુધીમાં અહીં 1000થી પણ ઓછા કેસ આવ્યા હતા ત્યાં હવે કેસ ઝડપથી વધી રહ્યા છે. ગોવાને એક સમયે કોરોના મુક્ત જાહેર કરવામાં આવ્યું હતું ત્યાં હવે ઝડપથી કેસ વધી રહ્યા છે. સિક્કીમ, નાગાલેન્ડ, મિઝોરમ, મણિપુરમાં જૂન શરૂ થવા સુધી કેસ ઓછા હતા પણ હવે છેલ્લા 15 દિવસમાં અહીં વધારે કેસ સામે આવી રહ્યા છે. આ સ્થિતિ અરુણાચલ, મેઘાલય અને દાદરાનગર હવેલીની પણ છે.