ચિંતાજનક / દેશમાં 24 કલાકમાં કોરોનાના સૌથી વધુ રેકોર્ડબ્રેક કેસ, મોતનો આંક પણ ચોંકાવનારો

• દેશમાં વિસ્ફોટક બની રહ્યો છે કોરોના
• દેશમાં કુલ સંખ્યા 3 લાખ 81 હજાર 91 પહોંચી
• 24 કલાકમાં 13586 નવા કેસ અને 336 મોત

મળતી માહિતી અનુસાર દેશમાં અત્યાર સુધીમાં કોરોનાના 1 લાખ 63 હજાર 248 એક્ટિવ કેસ છે. આ વાયરસના કારણે અત્યાર સુધીમાં 12573 દર્દીના મોત થયા છે. 2 લાખ 4 હજાર 710 દર્દીઓ સારવાર બાદ સાજા થયા છે. 

 દિલ્હીમાં તૂટ્યો રેકોર્ડ

દિલ્હીમાં કોરોના વાયરસે નવો રેકોર્ડ તોડ્યો છે. અહીં 24 કલાકમાં 2877 નવા કેસ આવ્યા છે અને 65 દર્દીના મોત થયા છે. આ સાથે અહીં કુલ કેસની સંખ્યા 49979 પહોંચી છે. જેમાંથી 21341 દર્દીઓએ કોરોનાને મ્હાત આપી છે. અત્યાર સુધીમાં અહીહં 1969 લોકોના મોત નીપજ્યા છે. 

દિલ્હીમાં કોરોના ટેસ્ટિંગ માટે મોબાઈલ લેબ લોન્ચ

કેન્દ્રીય સ્વાસ્થ્ય મંત્રી ડો. હર્ષવર્ધને દિલ્હીમાં કોરોના ટેસ્ટિંગ માટે દેશની પહેલી મોબાઈલ લેબ લોન્ચ કરી છે. આ લેબને દેશના અન્ય વિસ્તારોમાં પણ મોકલી શકાશે. આ લેબની મદદથી રોજના 300થી વધુ ટેસ્ટ થશે. ટીબી અને એચઆઈવીની તપાસ પણ આ લેબમાં કરી શકાશે.

મહારાષ્ટ્રમાં પણ નોંઘાયા વધુ કેસ

દેશમાં તમામ જગ્યાએ કોરોનાનો વિસ્ફોટ થઈ રહ્યો છે ત્યારે 24 કલાકમાં મહારાષ્ટ્રમાં પણ 3752 નવા કેસ નોંધાયા છે. આ સ્થિતિ ચિંતાજનક છે.