ચિંતાજનક / કોરોનાનું તાંડવ : એક દિવસમાં પહેલી વાર 2 હજારથી વધુ મોત, નવા કેસ 3 લાખની નજીક, જાણો ક્યાં શું છે સ્થિતિ

• 24 કલાકમાં દેશમાં 2020 કોરોના દર્દીઓના મોત 
•  એક દિવસમાં 2, 94,115 કોરોના વાયરસના નવા સંક્રમિત મળ્યા 
• અઠવાડિયામાં મોતમાં સાડા 94 ટકા વધારો

24 કલાકમાં દેશમાં 2020 કોરોના દર્દીઓના મોત 

ભારતમાં કોરોનાનો કહેર યથાવત છે.  દર રોજ નવા કેસ રેકોર્ડ બનાવી રહ્યા છે. પણ આ વખતે મોતના આંકડાઓએ તમામ રેકોર્ડ તોડી નાંખ્યા છે. કોરોનાની બીજી લહેરમાં દેશમાં પહેલી વાર ન ફક્ત કેસ 3 લાખની નજીક આવ્યા છે  બલ્કે સૌથી વધારે 2 હજાર મોત પણ થયા છે. આ રીતે મહામારીની બીજી લહેર  દર રોજ પોતાનો રેકોર્ડ તોડી રહી છે. વર્લ્ડોમીટર મુજબ મંગળવારે રાતે 12 વાગે 24 કલાકમાં દેશમાં 2020 કોરોના દર્દીઓના મોત થયા છે. 

 મંગળવારે 2, 94,115 કરોના વાયરસના નવા સંક્રમિત મળ્યા 

આંકડા મુજબ આ સમયમાં મંગળવારે 2, 94,115 કોરોના વાયરસના નવા સંક્રમિત મળ્યા છે. આ દેશમાં એક દિવસમાં મળેલા કુલ નવા સંક્રમિતોના સૌથી મોટી સંખ્યા છે. સતત 5માં દિવસે કોરોનાથી રેકોર્ડ બ્રેક મોત નોંધાયા છે. આ મહામારીની શરુઆતથી લઈને અત્યાર સુધીના એક દિવસમાં નોંધાયેલી સૌથી મોટી સંખ્યા છે. મરનારાની કુલ સંખ્યા વધીને 1,82, 570 થઈ છે. જ્યારે અત્યાર સુધીમાં કુલ સંક્રમિતોની સંખ્યા 1, 56, 09, 004 છે. દેશમાં એક્ટિવ કેસની સંખ્યા 21, 50, 119 છે. કુલ સંક્રમિતોની સંખ્યા 13. 8 ટકા છે.

અઠવાડિયામાં મોતમાં સાડા 94 ટકા વધારો

તારીખ (એપ્રિલ મહિનામાં)        મોતનો આંક
21    2020                  
20    1761 
19    1620
18    1498
17    1338
16    1184
15    1038

સૌથી વધારે સંક્રમિત 5 રાજ્યો

રાજ્ય    સંક્રમણનો દર( ટકામાં)
મહારાષ્ટ્ર    16.3
ગોવા    11.6
નાગાલેન્ડ    9
કેરળ    8.8
છત્તીસગઢ    8.5
ભારત    5.8

સાજા થનારાનો દર ઘટીને 85 ટકા થયો

કોરોનાથી સાજા થનારા લોકોના દરમાં ઘટીને 85 ટકા રહી ગયો છે.  આંકડા મુજબ આ બિમારીથી સ્વસ્થ થનારા લોકોની સંખ્યા વધીને 1, 32, 69, 863 થઈ ગઈ છે. કોરોનાથી રાષ્ટ્રીય સ્તર પર મુત્યુ દર ઘટીને 1.20 ટકા થઈ ગયો છે. પરંતુ મહારાષ્ટ્રમાં આ દર 1.5 ટકા અને પશ્ચિમ બંગાળમાં 1.6 ટકા છે.

77 ટકા મોત ફક્ત 8 રાજ્યોમાં

દેશમાં 24 કલાક દરમિયાન સૌથી વધારે 519 મોત મહારાષ્ટ્રમાં થઈ છે. એ બાદ દિલ્હીમાં 277, છત્તીસગઢમાં 191, ઉત્તર પ્રદેશમાં 162, ગુજરાત 121, કર્ણાટકમાં 149, પંજાબમાં 60 અને મધ્ય પ્રદેશમાં 77 લોકોના મોત થયા છે. આ 8 રાજ્યોમાં કુલ 1556 મોત થયા જે કુલ 2020 મોતના 77.02 ટકા છે.

60 ટકા નવા સંક્રમણ ફક્ત 6 રાજ્યોમાં 

મહારાષ્ટ્રમાં સૌથી વધારે 62, 097 કેસ મળ્યા છે. આ બાદ ઉત્તર પ્રદેશમાં 29574, દિલ્હીમાં 28395, કર્ણાટકમાં 21794, કરેળમાં 19577 અને છત્તીસગઢમાં 15625 નવા દર્દી મળ્યા છે.