હાલમાં ભારતમાં બનેલી મેલેરિયાની દવા હાઈડ્રોક્સીક્લોરોક્વીન ખૂબ જ ચર્ચામાં છે. અમેરિકા, ઓસ્ટ્રેલિયા અને જર્મની સિવાય 30થી વધારે દેશોને ભારત આ દવા પૂરી પાડશે. આ એન્ટી મેલેરિયાની દવાને અમેરિકાના રાષ્ટ્રપતિ ડોનાલ્ડ ટ્રમ્પ ગેમ ચેન્જર ગણાવી ચૂક્યા છે. તેની ભારે માંગને જોતાં ભારતે આ દવાની નિકાસ પર સામાન્ય રીતે પાબંધી લગાવવાની જાહેરાત કરી છે.
કોરોના સામે લડનારી દવા બનશે ગેમ ચેન્જર
હેલ્થ એક્સપર્ટ્સે દવાનો ઉપયોગ ન કરવા કહ્યું
ભારત 30 દેશોને પૂરું પાડવાનું હતું આ દવા
દુનિયાભરમાં ભારતમાં બનેલી હાઈડ્રોક્સીક્લોરોક્વીનની માંગ સતત વધી રહી છે. આ સમયે વૈજ્ઞાનિકો અને હેલ્થ એક્સપર્ટ્સ કોરોનાની લડાઈમાં આ દવાની અસરને નકારી રહ્યા છે. આ દવાથી સચેત રહેવા પણ જણાવ્યું છે.
આ દવાનો ઉપયોગ આ કામમાં કરવામાં આવે છે
સીમિત પ્રભાવની હાઈડ્રોક્સીક્લોરોક્વીનનો ઉપયોગ સામાન્ય રીતે આર્થરાઈટિસ, લૂપસ અને મેલેરિયાના ઉપચારમાં કરાય છે. ઈન્ડિયન કાઉન્સિલ ઓફ મેડિકલ રિસર્ચે લોકોને ડોક્ટરની સલાહ વિના હાઈડ્રોક્સીક્લોરોક્વીન ન લેવાની સલાહ આપવામા આવી છે. તેનું કારણ છે કે આ દવાનો યોગ્ય ડોઝ ન લેવાય તો તેની ગંભીર સાઈડ ઈફેક્ટ્સ થઈ શકે છે. આઈસીએઆરના જણાવ્યા અનુસાર કોરોના વાયરસ સંક્રમિતના સંપર્કમાં આવનારા સ્વાસ્થ્ય કર્મીઓ અને ઘરના સભ્યોને માટે ડ્રગનો ઉપયોગ કરી શકાય છે. ICARની એડવાઈઝરી અનુસાર હાઈડ્રોક્લોરોક્લીન કોરોનાના શરૂઆતના બચાવમાં ઉપયોગી અને મદદરૂપ છે. જો કે ક્લીનિકલ ટ્રાયલમાં ડ્રગની સીમિત સફળતા જોવા મળી રહી છે.
પરીક્ષણનું આવું આવ્યું પરિણામ
એક રિપોર્ટમાં કહેવાયું છે કે 20 દર્દીઓના હાઈડ્રોક્સીક્લોરોક્વીનની સારવાર બાદ તેના વાયરલ લોડમાં ખામી આવી છે. અન્ય દર્દીઓની તુલનામાં આ દવાનો ઉપયોગ કરનારાના શરીરમાં વાયરસ લાંબા સમય સુધી રહેતો નથી. અમેરિકાના રાષ્ટ્રપતિએ કહ્યું કે હાઈડ્રોક્સીક્લોરોક્વીનને સતત ગેમ ચેન્જર ગણાવી છે. આ તમામ માનકોને અનુરૂપ નથી. કેટલાક લોકોનું કહેવું છે કે રિપોર્ટમાં એ લોકોને સામેલ કરાયા નથી જેમની પર આ દવાની પોઝિટિવ અસર થઈ હતી.
દવાના પ્રયોગમાં દર્દીઓ સાથે થયું આવું પણ
સ્ટડીમાં જે દર્દીઓ પર પ્રયોગની શરૂઆત કરવામાં આવી તેમાંથી કેટલાક દર્દીઓએ વચ્ચે જ ટ્રાયલમાંથી બહાર નીકળવું પડ્યું હતું. 3ને આઈસીયૂમાં એડમિટ કરવા પડ્યા, એકનું મોત થયું અને એકને ઉલટીની ફરિયાદ થતાં હાઈડ્રોક્સીક્લોરોક્વીનને બંધ કરવી પડી હતી. કેટલાકે તો આ દવાનો ઉપયોગ જ બંધ કરી દીધો. કેટલાકને તેનાથી માથું દુઃખતું હતું તો કેટલાકને માઈગ્રેન, ઉલટી, આંખોનું તેજ ઘટવું જેવી સમસ્યાઓ આવવા લાગી. કોઈને હાર્ટ બીટમાં પણ ફેરફારની સાથે હાર્ટ એટેક સુધીની તકલીફ અનુભવાઈ.
આ જગ્યાઓએ મળી દવાને સફળતા
મળતી માહિતી અનુસાર યૂરોપમાં હાઈડ્રોક્સીક્લોરોક્વીનને ફક્ત ક્લીનિકલ ટ્રાયલ સુધી જ સીમિત રાખવામાં આવી રહી છે. ચીન અને ફ્રાન્સમાં શરૂઆતની સફળતા છતાં કોરોનાના ઈલાજમાં આ દવા અસરકારક હોવાનું સામે આવ્યું નથી. આ માટે જ કહેવામાં આવી રહ્યું છે કે ડોક્ટરની સલાહ વિના ક્લોરોક્વીન કે હાઈડ્રોક્સીક્લોરોક્વીનનો ઉપયોગ કરવો નહીં. આ દવાનું ટ્રાયલ હાલમાં ચાલુ છે અને તે અસરકારક છે તેવી કોઈ પુષ્ટિ હાલ સુધી થઈ નથી.