કહેર / કોરોનાનો કહેર ઘટતાં જ બ્લેક ફંગસે વધારી ચિંતા, જાણો ક્યા રાજ્યોમાં અપાયું એલર્ટઃ મહારાષ્ટ્રમાં મોતનો આંક ચોંકાવનારો

• ઘટ્યો કોરોનાનો કહેર
• બ્લેક ફંગસની બીમારી વધારી રહી છે ચિંતા
• દિલ્હી એમપીમાં અપાયું એલર્ટ
• મહારાષ્ટ્રમાં 90 દર્દીના થયા મોત

દેશમાં કોરોના વાયરસની બીમારી નબળી પડી રહી છે તો અમેરિકા બાદ ભારત હજુ પણ બીજા સ્થાને છે. કોરોના સંક્રમણમાં ઘટાડો થવા છતાં સ્થિતિ ચિંતાજનક બની રહી છે. બ્લેક ફંગસની બીમારી ચિંતા વધારી રહી છે. કોરોનાની વાત કરીએ તો છેલ્લા 24 કલાકમાં 2,76,070 નવા કેસ આવ્યા છે અને સાથે 3874 દર્દીના મોત થયા છે.

વધી રહ્યો છે રિકવરી રેટ
રાહતની વાત એ છે કે રિકવરી રેટમાં વધારો થઈ રહ્યો છે. આંકડા કહે છે કે 3,69,077 લોકોને ડિસ્ચાર્જ કરાયા છે. કોરોનાનો મૃત્યુદર 1.11 ટકા જોવા મળી રહ્યો છે. રિકવરી રેટ 86 ટકાથી વધારે છે. એક્ટિવ કેસ અને કુલ સંક્રમિતોમાં ભારતનું સ્થાન દુનિયામાં બીજું છે. 

મહારાષ્ટ્રમાં કોરોનાનો કહેર યથાવત
મહારાષ્ટ્રમાં 24 કલકામાં 29911 નવા કોરોનાના દર્દીઓ સામ આવ્યા છે અને 78 ના મોત થયા છે. નવા કેસ સાથે અહીં પોઝિટિવ દર્દીની સંખ્યા 54 લાખ 97 હજાર 448 થઈ છે. કુલ 85355 દર્દીના મોત થયા છે. 

મહારાષ્ટ્રમાં બ્લેક ફંગસને લઈને આવી છે સ્થિતિ
કોરોના સંકટની વચ્ચે અહીં બ્લેક ફંગસને કારણે 90 દર્દીના મોત છે. સ્વાસ્થ્ય મંત્રીએ કહ્યું કે હાલમાં બ્લેક ફંગસ ચિંતાનો વિષય છે. સરકારે તેની સારવાર માટે કેન્દ્ર પાસે વધારે પ્રમાણમાં દવાની જરૂરિયાત રાખી છે. 

ગોવામાં પણ બ્લેક ફંગસથી 1 મોત થયું છે તો હરિયાણા, રાજસ્થાન, ઓરિસ્સા, આસામ, પંજાબ, તેલંગાણા જેવા રાજ્યો બ્લેક ફંગસને પહેલાથી જ મહામારી જાહેર કરી ચૂક્યા છે. 

ગુજરાતમાં પણ વધી રહી છે બ્લેક ફંગસની બીમારી
ગુજરાતમાં 24 કલાકમાં કોરોનાના કેસ ઘટીને 4773 થાય છે અને 64 લોકોના મોત થયા છે ત્યારે રાજ્ય સરકારે અહીં બ્લેક ફંગસને મહામારી જાહેર કરી છે. આ બીમારીની સારવાર કરાવનારી ખાનગી હોસ્પિટલ અને મેડિકલ કોલેજને કેન્દ્રીય સ્વાસ્થ્ય મંત્રાલયની ગાઈડલાઈનનું પાલન કરવાનું રહેશે.