ગુજરાતમાં કોરોનાના કેસ વધી રહ્યા છે ત્યારે પાટણ જીલ્લામાં એકપણ કોરોના કેસ નહોતો નોંધાઇ રહ્યો પરંતુ છેલ્લા 3 દિવસથી કોરોનાનો આંકડો વધી રહ્યો છે.
છેલ્લા દિવસમાં કોરોનાના કેસમાં થયો વધારો
ધારપુર હોસ્પિટલે ત્રીજી લહેરને લઈ સજ્જ
બેડ, સ્ટાફને લઈ આરોગ્ય તંત્ર હરકતમાં
પાટણમાં ઘણો સમય કોરોનાથી રાહત બાદ છેલ્લા 3 દિવસથી કેસ સામે આવી રહ્યા છે. પાટણમાં આજે 17 નવા કેસ નોંધાયા છે. તો ગઇકાલે(શનિવાર) નવા 2 કેસ નોંધાયા હતા, જ્યારે શુક્રવારે 3 કેસ નોંધાયા હતા. જેને લઇને હાલ જિલ્લામાં કુલ 22 એક્ટિવ કેસ છે, તો અત્યાર સુધીમાં કુલ 11498 દર્દી સાજા થયા છે અને જિલ્લામાં અત્યાર સુધીમાં કુલ 129 દર્દીના મોત થયા છે. અત્યાર સુધીમાં 543613 કોવિડ ટેસ્ટ કરવામાં આવ્યા છે. જોકે, અત્યાર સુધીમાં એકપણ ઓમિક્રોનનો કેસ પાટણ શહેર કે ગ્રામ્યમાં નોંધાયો નથી.
3 દિવસમાં કેસમાં ઉછાળો
17 કેસ - 9 જાન્યુઆરી
2 કેસ - 8 જાન્યુઆરી
3 કેસ -7 જાન્યુઆરી
0 કેસ - 6 જાન્યુઆરી
0 કેસ - 5 જાન્યુઆરી
0 કેસ - 4 જાન્યુઆરી
પાટણનુ આરોગ્ય તંત્ર કોરાનાને લઈ સજ્જ
કોરોનાની ત્રીજી લહેરની આંતક મચાવે તે પહેલા પાટણ જિલ્લાનુ આરોગ્ય તંત્રએ તડામાર તૈયારીઓ શરૂ કરી દીધી છે. પાટણ જિલ્લામાં કોરોનાના કેસ દિવસેને દિવસે વધી રહ્યા છે ત્યારે જિલ્લાનુ આરોગ્યતંત્ર હરકતમાં આવ્યુ છે. આરોગ્ય વિભાગે કપરી સ્થિતીને પહોંચી વળવા ધારપુર હોસ્પિટલમાં ઓક્સિજન બેડની તૈયારીઓ હાથ ધરી છે. જેમાં ધારપુર હોસ્પિટલમાં 475 ઓક્સિજન બેડ તૈયાર કરવામાં આવ્યા છે. આ સાથે બાળકો માટે પણ ઓક્સિજન બેડવાળો અલગથી વોર્ડ તૈયાર કરવામાં આવ્યો છે. ધારપુર હોસ્પિટલ ખાતે 160 બેડ વેન્ટિલેટરને સ્ટેન્ડ બાય રાખવામાં આવ્યા છે. આ સિવાય પાટણના આરોગ્ય તંત્રએ પીએચસી, સીએચસી કેન્દ્રોના ડૉક્ટર અને નર્સિંગ સ્ટાફને પણ કોરોનાની ત્રીજી લહેરની તૈયારીના ભાગરૂપે ટ્રેનિંગ આપવાનું શરૂ કરી દીધુ છે.
ગુજરાતમાં આજે નોંધાયેલા કોરોનાના કેસ
ગુજરાતમાં આજે ફરી કોરોનાએ ચિંતા વધારી છે. રાજ્યમાં આજે 6275 નવા કોરોનાના કેસ નોંધાયા છે. જ્યારે 1263 દર્દી સાજા થયા છે. 27913 એક્ટિવ કેસ છે, જેમાંથી 26 દર્દી વેન્ટીલેટર પર છે અને 27913 દર્દી સ્ટેબલ છે. આજે એકપણ દર્દીનું મોત નથી થયું. અત્યાર સુધીમાં 824153 દર્દી સાજા થઇ ચૂક્યા છે. તો કુલ 10128 દર્દીના મોત થઇ ચૂક્યા છે. રાજ્યનો રીકવરી રેટ દિવસેને દિવસે ઘટી રહ્યો છે, હાલ 95.59 ટકા પર પહોંચ્યો છે. આજરોજ 93,467 લોકોનું રસીકરણ કરવામાં આવ્યું છે.