કોરોના ટેસ્ટ / ડોનાલ્ડ ટ્રમ્પનો પણ થયો કોરોના ટેસ્ટ, રિપોર્ટમાં આવ્યું કંઈક આવું...

• અમેરિકામાં જાહેર થઈ ચૂકી છે રાષ્ટ્રીય કટોકટી
• રાષ્ટ્રપતિ ડોનાલ્ડ ટ્રમ્પનો પણ થયો કોરોના ટેસ્ટ
• 24 કલાકથી પણ ઓછા સમયમાં આવ્યો આ રિપોર્ટ

અમેરિકામાં જ્યારે કોરોનાના કારણે 41થી પણ વધુ લોકોના મોત નીપજ્યા છે. ત્યારે અમેરિકાના રાષ્ટ્રપતિ ડોનાલ્ડ ટ્રમ્પે પોતાનો કોરોના વાયરસનો ટેસ્ટ કરાવ્યો છે. 24 કલાકથી પણ ઓછા સમયમાં આવેલા રિપોર્ટમાં ડોનાલ્ડ ટ્રમ્પ નેગેટિવ સાબિત થયા છે. 

US President Donald Trump tests negative for #coronavirus, reports AFP news agency quoting White House physician. (File pic) pic.twitter.com/2c6HSGa3bV

— ANI (@ANI) March 14, 2020

કોરોના વાયરસના કારણે અમેરિકામાં રાષ્ટ્રપતિ ડોનાલ્ડ ટ્રમ્પે રાષ્ટ્રીય કટોકટી જાહેર કરી છે. કટોકટી જાહેર થતા જ અમેરિકામાં સાર્વજનિક અને ખાનગી સંસ્થાઓ બંધ કરવામાં આવી શકે છે. ઘણા કાર્યક્રમ અને મોટી સભાઓ રદ અથવા મોકૂફ કરવામાં આવી શકે છે. અમેરિકાના રાષ્ટ્રપતિ ડોનાલ્ડ ટ્રમ્પે ઇમર્જન્સી જાહેરાત કરતા આ સંકટનો સામનો કરવા 50 બિલિયન ડોલરના ફંડની જાહેરાત કરી છે.

ટ્રમ્પે કરી આ જાહેરાત

અમેરિકાના રાષ્ટ્રપતિ ડોનાલ્ડ ટ્રમ્પે કોરોના વાયરસના ખતરાને રાષ્ટ્રીય કટોકટી જાહેર કરી છે. આ સાથે જ ટ્રમ્પના વહીવટીતંત્રે આ ખતરનાક ચેપનો સામનો કરવા અભૂતપૂર્વ આર્થિક અને વૈજ્ઞાનિક પગલાઓનો આશરો લીધો છે. રાષ્ટ્રપતિ ટ્રમ્પ જે આગામી કેટલાક મહિનામાં ચૂંટણી લડવા જઈ રહ્યા છે, તેઓ કોરોના વિશે કોઈ પણ પ્રકારની બેદરકારી લેવાનું ઇચ્છતા નથી.

કોરોના વાયરસથી અમેરિકામાં 41થી વધુ લોકોના મોત

ટ્રમ્પે કહ્યું કે આ કાર્યવાહીથી તેમને કોરોના વાયરસ સામે લડવા માટે 50 બિલિયન ડોલરનું ફંડ મળશે. ટ્રમ્પે કહ્યું કે યુનાઇટેડ સ્ટેટ્સની કેન્દ્રિય, પ્રાદેશિક અને સ્થાનિક એજન્સીઓ આ ભંડોળનો ઉપયોગ કોરોના વાયરસથી થતા ચેપને રોકવા માટે કરશે. કોરોના વાઇરસના કારણે અમેરિકામાં 41થી વધુ લોકોના મોત થયા છે. જ્યારે 1740 લોકોને ચેપ લાગ્યો છે. વર્લ્ડ હેલ્થ ઓર્ગેનાઇઝેશન દ્વારા ચેતવણી આપવામાં આવી છે કે, યુરોપ હવે કોરોના વાઈરસ મહામારીનું કેન્દ્ર બની ગયું છે. દુનિયાભરમાં કોરોના વાઈરસથી 5120 લોકોના મોત થયા છે.