પ્રેરણા / કોરોના મહામારીને પણ અવસરમાં ફેરવી આ સુરતીઓએ, ચણિયા ચોળી જોઈ કહેશે વાહ!

• કોરોના પ્રિન્ટના કાપડની વધી માગ
• કોરોના પ્રિન્ટવાળા ઘાઘરા-ચોળી !
• સાડી અને લહેંઘાના કાપડમાં પણ કોરોના પ્રિન્ટ

સુરત કોરોના મહામારીમાં સૌથી વધારે સંક્રમિત થયું છે તેની વેપાર ઉદ્યોગ ઉપર સૌથી ખરાબ અસર થઈ છે પરંતુ કોરોનાની આ મહામારીમાં કોરોના વાયરસનો જ સહારો લઈ ને એક ડાઈગ એન્ડ પ્રિન્ટિંગ મિલ મલિક દ્વારા 8 લાખ મીટર કોરોના પ્રિન્ટ ના સાડી, લહેનગા અને ઘાઘરા ચોળી ની કાપડ તૈયાર કર્યું છે.

ખાસ કોરોના ડિઝાઇન તૈયાર કરવામાં આવી 

આ કોરોનાના પ્રિન્ટ સાથેનું કપડું માત્ર દેખાવ પૂરતું જ નથી પરંતુ ગુજરાત, રાજસ્થાન અને મધ્યપ્રદેશ માં આ કોરોના પ્રિન્ટ ની ડિમાન્ડ છે અને લોકો તેની માંગ કરી રહ્યા છે, પલસાણાના તાતી થૈયા ગામમાં આવેલી ભાસ્કર પ્રિન્ટિંગ મિલન મલિક અશોક ટિબરેવાળા દ્વારા આ ખાસ કોરોના ડિઝાઇન તૈયાર કરવામાં આવી છે.

અનલોક શરૂ થયું અને વેપાર ઉદ્યોગ કારખાનાઓ ફેકટરીઓ શરૂ થઈ તે સમયે જ અશોકભાઈએ કોરોના પ્રિન્ટ તૈયાર કરવાનો વિચાર આવ્યો હતો કોરોના સાડી, સલવાર સૂટ, ચોળી ઘાઘરા ના વિવિધ કાપડ ઉપર એની ડિઝાઇન તૈયાર કરવામાં આવી અને સેમ્પલ તૈયાર કરી રાજસ્થાન મધ્યપ્રદેશના વેપારીઓને બતાવવામાં આવ્યા તો તેમને ખૂબ પસંદ પડી આ ડિઝાઇન શરૂઆતમાં 2 લાખ મીટર અને ત્યારબાદ ઓર્ડર વધી કુલ 8 લાખ મીટર કાપડનો તેમની પાસે ઓર્ડર આવ્યો હતો જે પૈકી 5 લાખ મીટર કાપડ કોરોના પ્રિન્ટ સાથે તૈયાર કરી દેવામાં આવ્યું છે, બાકીનું 3 લાખ મીટર કાપડ પણ તૈયાર કરવાની પ્રક્રિયા ચાલી રહી છે.