ઢાંકપિછોડા / સુરતમાં કેમ વારંવાર કોરોના મામલે આંકડાઓ સાથે છેડછાડાના થાય છે આક્ષેપ?

• મનપા એન્ટિજેન ટેસ્ટનું પરિણામ નથી કરતું જાહેર
• શહેરમાં દૈનિક 4 હજાર એન્ટિજેન ટેસ્ટ કરવામાં આવી રહ્યા છે
• તંત્ર માત્ર RT-PCR ટેસ્ટના આધારે જ પોઝિટિવ કેસ જાહેર કરે છે

સુરત મનપા એન્ટિજેન ટેસ્ટનું પરિણામ જાહેર કરતું નથી. સુરતમાં દૈનિક 4 હજાર જેટલા એન્ટિજેન ટેસ્ટ થાય છે. જેમાં 800 જેટલા લોકો પોઝિટિવ આવે છે.  જોકે એન્ટિજેન ટેસ્ટ બાદ દર્દીને હોમ ક્વોરન્ટાઈન કરીને તંત્ર સંતોષ માને છે.. જ્યારે આંકડાઓમાં તંત્ર માત્ર RT-PCR ટેસ્ટનો જ સમાવેશ કરે છે.

હાલ સુરતમાં કોરોનાની શું છે સ્થિતિ?

સુરતમાં કોરોનાનું સંક્રમણ વધી રહ્યું છે. અમદાવાદ બાદ સૌથી વધુ સુરતમાં કેસ નોંધાઇ રહ્યા છે. આજે સુરતમાં 258 નવા કોરોનાના કેસ નોંધાયા છે. જેમાં સુરત કોર્પોરેશનમાં 198 અને સુરત જિલ્લામાં 60 કેસ નોંધાયા છે. આ સાથે સુરતમાં કોરોનાનો કુલ આંકડો 13,826 પર પહોંચ્યો છે. સુરતમાં આજે 195 દર્દીઓ સ્વસ્થ થયા છે. જેથી કુલ સ્વસ્થ થયેલા દર્દીનો આંકડો 9,617 પર પહોંચ્યો છે. તો આજે સુરતમાં 11 દર્દીઓના મોત થયા છે. આ સાથે સુરતમાં અત્યાર સુધીમાં કુલ 449 દર્દીના મૃત્યુ થયા છે. સુરતમાં હાલ 3760 એક્ટિવ કેસ છે.

હાલ અમદાવાદમાં કોરોનાની શું છે સ્થિતિ?

છેલ્લા 24 કલાકમાં અમદાવાદમાં 151 કેસ નોંધાયા છે. જેમાં અમદાવાદ કોર્પોરેશનમાં 139 અને અમદાવાદ જિલ્લામાં 12 કેસ નોંધાયા છે. આ સાથે અમદાવાદમાં કોરોનાનો કુલ આંકડો 26,969 પર પહોંચ્યો છે. અમદાવાદમાં આજે 109 દર્દીઓ સ્વસ્થ થયા છે. જેને લઇને કુલ સ્વસ્થ થયેલા દર્દીઓનો આંકડો 21,697 પર પહોંચ્યો છે. અમદાવાદમાં આજે 6 દર્દીઓના મોત થયા છે, જેની સાથે અમદાવાદનો કોરોનાથી મૃત્યુઆંક 1611 પર પહોંચ્યો છે. હાલ અમદાવાદમાં 3661 એક્ટિવ કેસ છે.

રાજ્યના વિવિધ જિલ્લામાં નોંધાયેલા આજના કોરોના વાયરસના કેસની વિગત 

ગુજરાતના તમામ જિલ્લાઓમાં અત્યાર સુધીમાં નોંધાયેલા કોરોનાના કેસની વિગત (આ માહિતી રાતે 8 વાગ્યા સુધીની છે)