કોરોના વિસ્ફોટ / સુરતમાં કોરોનાની સ્થિતિ ચિંતાજનક દર 6 દિવસે 1000 લોકો થાય છે સંક્રમિત

• સુરતમાં દર 6 દિવસે 1000 લોકો થાય છે સંક્રમિત
• અનલોક બાદ ગાઇડલાઇનનું પાલન ન થતાં સ્થિતિ ચિંતાજનક
• સુરતમાં દર છઠ્ઠા દિવસે 1000 કેસ પોઝિટિવ નોંધાય છે

સુરતમાં કોરોના વાયરસનો કહેર વધી રહ્યો છે. સુરતમાં દર 6 દિવસે 1000 લોકો સંક્રમિત થાય છે. અનલોક બાદ ગાઇડલાઇનનું પાલન ન થતા સ્થિતિ ચિંતાજનક થઇ છે. સુરતમાં દર છઠ્ઠા દિવસે 1000 કેસ પોઝિટિવ નોંધાઇ રહ્યા છે. કોરોનાકાળમાં 185 દિવસ બાદ શ્રમિકો પરત ફરી રહ્યા છે. ત્યારે તકેદારી નહીં રખાય તો કેસ વધી શકે તેવી પૂરી શક્યતા છે. સુરતમાં પ્રથમ 1 હજાર કેસ નોંધાવમાં 61 દિવસ લાગ્યા હતા. ત્યાર બાદ 14 દિવસે 1 હજાર કેસ નોંધાતા હતા. હવે સુરતમાં દર 4થી 5 દિવસમાં 1 હજાર કેસ નોંધાઇ રહ્યા છે.

ગુજરાતમાં કોરોનાના સરકારી આંકડા

અમદાવાદ, સુરત, રાજકોટ, જામનગર, વડોદરા અને ભાવનગરમાં કોરોનાનું સંક્રમણ વધી રહ્યું છે. રાજ્ય સરકાર દ્વારા આજના કોરોનાના આંકડા જાહેર કરવામાં આવ્યા છે. જે અનુસાર છેલ્લા 24 કલાકમાં 1379 નવા કેસ સાથે કુલ આંકડો 1,19,088 પર પહોંચ્યો છે. તો આજે 1,652 દર્દીઓ સાજા થયા અને 14 દર્દીઓના મોત થયા છે. રાજ્યમાં અત્યાર સુધીમાં 3273 દર્દીઓના મોત થયા છે. જ્યારે 16007 દર્દીઓ હાલ સારવાર હેઠળ છે.

આ 4 જિલ્લામાં 200થી વધુ દર્દીઓ સાજા થયા

આજે 1,652 દર્દીઓ સાજા થતા રાજ્યમાં કુલ સાજા થયેલા દર્દીઓનો આંકડો 99808 પર પહોંચ્યો છે. રાજ્યમાં સાજા થવાનો દર 83.81 ટકા થયેલ છે. તો આજે 4 જિલ્લામાં 200થી વધુ દર્દીઓ સાજા થયા છે. જેમાં સુરતમાં 290, અમદાવાદમાં 224, રાજકોટમાં 237 અને મહેસાણામાં 203 દર્દીઓ સાજા થયા છે. તો જામનગરમાં 120 અને વડોદરામાં 119 દર્દીઓ સાજા થયા છે.

આજે સૌથી વધુ કોરોનાના ટેસ્ટ કરવામાં આવ્યા

રાજ્યમાં આજે સૌથી વધુ 85,620 કોરોનાના ટેસ્ટ કરવામાં આવ્યા છે. તો અત્યાર સુધીમાં રાજ્યમાં કુલ 36,09,808 ટેસ્ટ કરવામાં આવ્યા. ત્યારે રાજ્યમાં છેલ્લા 24 કલાકમાં નોંધાયેલા કેસના જિલ્લાવાર આંકડા નીચે મુજબ છે.