લાલિયાવાડી / સુરત મનપાની બેદરકારી: કોરોના નેગેટિવ માણસને પોઝિટિવ ગણાવી આખો વિસ્તાર કરી દીધો બ્લોક

• સુરત મનપાની વધુ એક ગંભીર બેદરકારી
• બિમારીથી મૃત્યુ થયેલા વ્યક્તિને કોરોના પોઝિટિવ જાહેર કરાયા
• કોરોનાગ્રસ્ત જાહેર કરાતા ખોડિયાનગરને કરાયુ સીલ

સુરત મહાનગરપાલિકાની વધુ એક ગંભીર બેદરકારી સામે આવી છે.  બિમારીથી મૃત્યુ થયેલા વ્યક્તિને કોરોનાગ્રસ્ત જાહેર કરાયા છે. મૃતકને કોરોનાગ્રસ્ત જાહેર કરાતા ખોડિયાનગરને સીલ કરવામાં આવ્યું છે. ખોડિયારનગરને સીલ કરાતા અંતિમવિધિમાં ગયેલા લોકોની ચિંતામાં વધારો થયો છે.

મળતી માહિતી મુજબ 62 વર્ષીય વ્યક્તિનું હ્રદય રોગથી અવસાન થયુ હતુ. મનપા દ્વારા અન્ય વ્યક્તિનો રિપોર્ટ મૃતકના નામે જાહેર કરાયો હોવાનું સામે આવ્યુ. મૃતકના સગાએ રિપોર્ટની માગ કરતા સમગ્ર મામલો સામે આવ્યો છે. મનપાએ સ્પષ્ટતા કરતા વિસ્તારને ખોલાતા લોકોએ હાશકારો અનુભવ્યો છે.