કોરોનાએ માઝા મૂકી છે ત્યારે સુરતમાં દારૂનો અડ્ડો અને દારૂના વેચાણનો વીડિયો સામે આવ્યો છે. મહામારીમાં પણ આ ધંધો ધમધોકાર ચાલે છે. બીજુ કે ગુજરાતમાં દારૂબંધી છે? એ અંગે તો પ્રશ્નો ઉભા થાય જ છે કે, દારૂબંધી હોવા છતાં આમ ખુલ્લેઆમ દારૂનું વેચાણ કેમનું થાય છે? શું તંત્રને આ પીઠા નહીં દેખાતા હોય કે તેમને દેખવા જ નથી?
સુરતના મગોબ વિસ્તારના ભાગ્યોદય ઇન્ડસ્ટ્રિયલ વિસ્તારમાં દારૂનો અડ્ડો
ખાડીને કાંઠે વેચાઇ અને પીવાઇ રહ્યો છે દારૂ
પુણા પોલીસની હદમાં આવે છે આ વિસ્તાર
સુરતમાં દારૂ વેચાણનો વીડિયો વાયરલ થયો છે. મગોબ વિસ્તારમાં દારૂ વેચાઇ રહ્યો છે. જાહેરમાં દારૂ વેચાતો હોવાનો વીડિયો વાયરલ થયો છે. મગોબ વિસ્તારના ભાગ્યોદય ઇન્ડસ્ટ્રિયલ વિસ્તારમાં દારૂનો અડ્ડો આવેલો છે. ખાડીને કાંઠે દારૂ વેચાઇ અને પીવાઇ રહ્યો છે. પુણા પોલીસની હદમાં આ વિસ્તાર આવે છે. ગુજરાતમાં દારૂબંધી માત્રને માત્ર કાગળ પરનો પુરાવો છે.
રાજ્યમાં કોરોનાની સ્થિતિ
રાજ્યમાં કોરોનાની રફ્તાર દિવસેને દિવસે વધી રહી છે. રાજ્યમાં સતત પાંચમાં દિવસે 1 હજારથી વધુ કેસ નોંધાયા છે. રાજ્યમાં એક જ દિવસમાં નવા 1081 કોરોના પોઝિટિવ કેસ નોંધાયા. તો એક જ દિવસમાં રાજ્યમાં કોરોનાથી 22 લોકોના મૃત્યુ થયા. જ્યારે કોરોનાને મ્હાત આપીને આજે 782 દર્દીઓ સાજા થયા. નવા 1081 પોઝિટિવ કેસ સાથે રાજ્યમાં પોઝિટિવ કેસની સંખ્યા 54 હજાર 712 થઇ છે. રાજ્યમાં હાલ 12 હજાર 795 એક્ટિવ કેસ છે. જેમાંથી 87 દર્દી વૅન્ટિલેટર પર છે અને 12 હજાર 708 દર્દીની હાલત સ્થિર છે. અત્યાર સુધીમાં કુલ 39 હજાર 612 લોકો સાજા થયા છે. કોરોનાથી રાજ્યમાં કુલ 2 હજાર 305 લોકોના મૃત્યુ થયા છે.