મહામારી / રાજકોટના જંગલેશ્વરમાં 11 દિવસ બાળકી સહિત 3ના કોરોના રિપોર્ટ પોઝિટિવ

• જંગલેશ્વર વિસ્તારમાંથી જ નોંધાયા વધુ 3 પોઝિટિવ કેસ
• 3 પોઝિટિવ કેસમાં બાળકીનો પણ સમાવેશ
• 11 દિવસની બાળકીને કોરોના પોઝિટિવ

ત્રણેય પોઝિટિવ કેસ એક જ જગ્યાના

ત્રણેય પોઝિટિવ કેસ એક જ જગ્યાના છે. આ જગ્યા એ બીજો કોઇ જ નહિ પરંતુ તંત્ર દ્વારા જાહેર કરવામાં આવેલ હોટસ્પોટ વિસ્તાર એવો જંગલેશ્વર વિસ્તાર માંથી જ ત્રણેય કેસ નોંધાયા છે. ત્યારે ત્રણ કેસ પૈકી બે કેસ હાલ તંત્ર દ્વારા જે એરિયા ને સિલ કરવામાં આવ્યો છે, તેમાંથી નોંધાયા છે જ્યારે અન્ય એક કેસ જંગલેશ્વર વિસ્તાર નો પ્રથમ કેસ નોંધાયો હતો ત્યાંથી નોંધાયો છે. 

11 દિવસની બાળકી સહિત 3ના રિપોર્ટ પોઝિટિવ

જે ત્રણ વ્યક્તિઓના કેસ પોઝિટિવ નોંધાયા છે તેમાંથી એક 11 દિવસની બાળકી હોવાનું પણ સામે આવ્યું છે. જ્યારે અન્ય બે કેસમાં 47 વર્ષીય પુરુષનો રિપોર્ટ પોઝિટિવ આવ્યો છે, જ્યારે કે 37 વર્ષીય મહિલાનો રિપોર્ટ પોઝિટિવ આવ્યો છે. જો કે બાળકી ના માતા પિતા ના રિપોર્ટ નેગેટીવ હોવાનું જાણવા મળ્યું હતું

રાજકોટમાં કુલ કેટલા કેસ

રાજકોટમાં વધુ 3 પોઝીટીવ કેસ સામે આવ્યા છે. જંગલેશ્વર વિસ્તારમાંથી જ વધુ 3 પોઝીટીવ કેસ નોંધાયા છે. રાજકોટ પોઝિટિવ કેસનો આંક 21 પર પહોંચ્યો છે. 3 પૈકી 2 કેસ કલ્સટર ક્વોરન્ટાઇન વિસ્તારમાં સામે આવ્યા છે.  જ્યારે 1 કેસ પોઝીટીવ દર્દીના સંપર્કમાં આવતી ચેપ લાગ્યો છે. હાલ કુલ 13 પોઝિટિવ દર્દી હોસ્પિટલમાં સારવાર લઇ રહ્યા છે. જ્યારે 8 દર્દી રિકવર થતા સારવાર માંથી રજા આપવામાં આવી છે.