કોરોના સંકટ / કોરોનાથી બચવા અહીંના સાંસદે સૂચવ્યો અનોખો પ્રયોગ, વીડિયો સોશ્યલ મીડિયામાં આવ્યો ચર્ચામાં

• કોરોનાથી બચવાને લઇને વધુ એક સાંસદે આપી વિચિત્ર સલાહ
• રાજસ્થાનના સાંસદ સુખબીર સિંહ જૌનપુરિયાએ સૂચવ્યો અનોખો પ્રયોગ
• કાદવમાં સ્નાન કરવાથી અને શંખ ફૂંકવાથી કોરોનાથી બચી શકાશેઃ સુખબીરસિંહ
• સુખબીરસિંહનો વીડિયો સોશિયલ મીડિયામાં ખુબ ચર્ચામાં

ઉલ્લેખનીય છે કે રાજસ્થાનના ટોંક સવાઈ માઘોપુરથી સાંસદ સુખબીર સિંહ જૌનપુરિયાનો એક વીડિયો ખૂબ જ વાયરલ થઈ રહ્યો છે. જેમાં તેઓ દેશની જનતાને કોરોના વાયરસથી બચવાને લઈને અજીબો ગરીબ પ્રયોગ કરવાનું જણાવી રહ્યા છે, વીડિયોમાં સુખબીર સિંહ જૌનપુરિયા શંખ પણ વગાડી રહ્યા છે અને લોકોને પોતાના ફેફસા અને કિડની સારી રાખવા માટે આ કામ કરવાનું કહી રહ્યા છે. 

BJP MP Sukhbir Singh Jaunapuria claims mud pack, blowing of conch shell boosts immunity against coronavirus pic.twitter.com/v0cjDtZ2xy

— Mahua Moitra Fans (@MahuaMoitraFans) August 14, 2020

દિલ્હી મહિલા અધ્યક્ષ સ્વાતિ માલીવાલે કહી આ વાત

સાંસદ સુખબીર સિંહ જૌનપુરાના વીડિયો પર દિલ્હી મહિલા અધ્યક્ષ સ્વાતિ માલીવાલે લખ્યું કે કોરોનાની લડાઈમાં માસ્ક પહેરો, સોશ્યલ ડિસ્ટન્સિંગ બનાવી રાખો અને સાથે આવી વાહિયાત સલાહથી દૂર રહો. ઉલ્લેખનીય છે કે ભાજપના સાંસદ અને કેન્દ્રીય મંત્રી અર્જુન મેઘવાલે કોરોનાથી બચવા માટે ભાભીજી પાપડ ખાવાની સલાહ આપી હતી. જ્યારે કેટલાક દિવસો બાદ તેઓ પોતે જ કોરોના સંક્રમિત થયા હતા. 

ઉલ્લેખનીય છે કે સ્વાસ્થ્ય મંત્રાલયના આંકડા અનુસાર રાજસ્થાનમાં અત્યાર સુધી 862 લોકોના જીવ કોરોના વાયરસના સંક્રમણને કારણે ગયા છે. જ્યારે દેશમાં કોરોના સંક્રમણનો આંક 26 લાખને પહોંચવા આવ્યો છે. આ સાથે દેશના 8 રાજ્યોમાં કોરોના કેસની સંખ્યા 1 લાખને પાર પહોંચી છે. ભારતમાં એક દિવસમાં કોરોનાના 63490 કેસ સામે આવ્યા છે. સંક્રમિતોની કુલ સંખ્યા વધીને 25,89,682 થઈ છે.