સૂચના / કોરોનાને લઈને મુંબઈ પોલીસે લોકોને આપી આ ખાસ સૂચના, કહ્યું ઘરથી...

• મુંબઈ પોલીસની અપીલ
• 2 કિલોમીટરથી વધુ દૂર ન જાઓ
• જરૂરી સામાન માટે બહુ દૂર ન જાઓ

મહારાષ્ટ્રમાં મુંબઈ પોલીસે શહેરવાસીઓને અપીલ કરી છે કે તેઓ સલૂન, દુકાનો અને એક્સાઈઝ માટે ઘરથી 2 કિમીથી વધુ દૂર ન જાય. કોરોનાના વધતા કેસને લઈને પોલીસ સતર્ક બની છે. આ અંતર ફક્ત ઓફિસ, કે દવાખાને જવા માટે જ પાર કરવાની મંજૂરી આપવામાં આવી છે. આ અંતરની બહાર શોપિંગ કરવાની પણ કડક પાબંધી લાગૂ કરવામાં આવી છે. 

પોલીસે લોકોને કરી આ અપીલ

પોલીસે લોકોને કહ્યું છે કે તેઓ વ્યક્તિગત સુરક્ષા અને સામાજિક દૂરીના નિયમોનું પાલન કરે અથવા તેમની વિરુદ્ધમાં કડક કાર્યવાહી કરવામાં આવશે. લોકોને એમ પણ કહેવાયું છે કે તેઓ ફક્ત જરૂરી કામ માટે જ બહાર નીકળે અને આ સમયે માસ્ક અનિવાર્ય રહેશે. જો લોકો બજાર, સલૂન વગેરે માટે બહાર જાય છે તો લોકોએ આ સીમામાં જ રહેવું પડશે. 

જાહેર કરાયા છે આ ખાસ નિયમો

2 કિમીના અંતરની સાથે માસ્ક ફરિજયાત અને આ સિવાય સોશ્યિલ ડિસ્ટન્સિંગના નિયમનું પાલન ન કરનારી દુકાનો અને બજારોને બંધ કરવામાં આવશે. રાતે 9 વાગ્યાથી સવારે 5 વાગ્યા સુધી કર્ફ્યૂ જાહેર કરાશે અને જો કોઈ આ નિયમનું ઉલ્લંઘન કરે છે તો તેને દંડ થાય છે.