રાજ્યના પડોશમાં આવેલા મહારાષ્ટ્ર અને રાજસ્થાનમાં કોરોના વાયરસના શંકાસ્પદ અને કોરોના સંક્રમિત દર્દીઓની સંખ્યામાં ઉત્તરોત્તર વધારો થઇ રહ્યો છે. વળી કોરોનાને કારણે મોત પણ નોંધાઈ ચૂકયા છે. ત્યારે પડોશમાં આવેલું ગુજરાતનું તંત્ર એલર્ટ પર છે. અને મહારાષ્ટ્રથી લઈને તમામ રાજ્યોની બોર્ડર પર અલર્ટ કરવામાં આવ્યુ છે. ગુજરાતમાં પ્રવેશતા તમામ નાકા અને ચેકપોસ્ટ પર આરોગ્ય વિભાગની ટીમો તૈનાત કરી દેવામાં આવી છે.
બોર્ડરના જિલ્લાઓ અલર્ટ પર
મહારાષ્ટ્ર બોર્ડર પર પણ નાકાબંધી
રાજસ્થાન બોર્ડર પર અલર્ટ
બનાસકાંઠાના દાંતીવાડા ગુંદરી બોર્ડર પર આરોગ્ય વિભાગ એલર્ટ પર છે.બોર્ડર પર આવતા તમામ પેસેન્જરનું સ્ક્રીનિગ કરાવમાં આવી રહ્યું છે.અન્ય રાજ્યમાંથી આવતા લોકોનું થર્મલ ચેકિંગ કરવામાં આવ્યું છે.કોરોનાને લઈ આરોગ્ય અને વહીવટી તંત્ર અલર્ટ.
મહારાષ્ટ્ર બોર્ડર પર પણ નાકાબંધી
મહારાષ્ટ્ર થી ગુજરાત માં રાજ્ય માં પ્રવેશતા તમામ લોકોનું આરોગ્યની તપાસ કરવામાં આવી રહી છે. વલસાડ ની ભીલાડ ચેકપોસ્ટ પર પણ આરોગ્ય વિભાગની ટીમ તહેનાત કરવામાં આવી છે. જ્યાં મહારાષ્ટ્રથી ગુજરાતમાં પ્રવેશતા વાહનચાલકો લોકો અને લોકોને થર્મો સકેન્સર સહિત આધુનિક ઉપકરણોથી તપાસ કરવામાં આવી રહી છે.
ગુજરાતમાં પ્રવેશતા લોકોનું આરોગ્યની તપાસ કરવામાં આવી રહી છે
મહત્વપૂર્ણ છે કે મહારાષ્ટ્રથી ગુજરાતમાં પ્રવેશ પ્રવેશવા માટે ભીલાડ ઉપરાંત સંજાણ અને ઉંમરગામ સહિતના વિસ્તારોમાં ચેકપોસ્ટ અને અંતરિયાળ રસ્તાઓ પણ આવેલા હોવાથી. આ તમામ મોટા રસ્તાઓ ,ચેકપોસ્ટો અને નાકા ઉપર આરોગ્ય વિભાગની ટીમો ખડેપગે રહી ગુજરાતમાં પ્રવેશતા લોકોનું આરોગ્યની તપાસ કરવામાં આવી રહી છે.
બોર્ડરના જિલ્લાઓ અલર્ટ પર
આરોગ્ય ની ટીમો સ્થળ પર જ લોકોને કોરોના ના લક્ષણો અને તેનાથી બચવા માટે જરૂરી પગલાં અંગે જનજાગૃતિ માટે સૂચનો અને માહિતી પણ આપવામાં આવી રહી છે. આમ વલસાડનું તંત્ર મહારાષ્ટ્રમાં કોરોના ના કારણે ઉદભવી રહેલી પરિસ્થિતિને વલસાડના તંત્રએ ગંભીરતાથી લઇ છે. કોઈ પણ પરિસ્થિતિને પહોંચી વળવા માટે તંત્ર અત્યારે સજ્જ છે.