કોરોનાના ડેલ્ટા પ્લસ વેરિયન્ટથી દેશમાં પહેલીવાર દર્દીનું મૃત્યુ થયું હોવાના સમાચાર આવ્યા છે. ઉજ્જેનમાં કોરોનાના નવા ડેલ્ટા વેરિયન્ટથી પીડિત મહિલાનું મૃત્યુ થયું છે.
ડેલ્ટા પ્લસ વેરિયન્ટથી મહિલાનું મૃત્યુ
ડેલ્ટા પ્લસથી મૃત્યુ થયાની પહેલી ઘટના
મધ્યપ્રદેશની મહિલાએ ગુમાવ્યો જીવ
કોરોનાની બીજી લહેર શાંત થઈ છે ત્યારે કોરોનાનો નવો વેરિઅન્ટ ડેલ્ટા પ્લસ કહેર મચાવી રહ્યો છે. મધ્યપ્રદેશના ઉજ્જેનમાં કોરોનાના નવા વેરિયન્ટથી પીડિત મહિલાનું મૃત્યુ થયું હોવાનું સામે આવ્યું છે. આ દેશમાં ડેલ્ટા પ્લસ વેરિઅન્ટનું પ્રથમ મોત છે. મૃત્યુ બાદ સેમ્પલને જીનોમ સિક્વેસિંગ માટે દિલ્લી મોકલવામાં આવ્યો છે. મહિલાના રિપોર્ટમાં કોરોનાના ડેલ્ટા પ્લસ વેરિયન્ટ હોવાની થઈ જાણ થઈ છે. નવા વેરિયન્ટથી મૃત્યુ પામનાર મહિલાએ કોરોના વેક્સિન લીધી ન હતી. દેશમાં કોરોનાના નવા વેરિયન્ટનો ખતરો વધી રહ્યો છે અને સાથે દેશમાં કુલ કેસની સંખ્યા 25થી વધારેની નોંઘાઈ છે.
Five confirmed cases of Delta-Plus variant has so been reported in the state — three from Bhopal and two others from Ujjain district.https://t.co/tDd2kKBsiv
શું છે ઉજ્જૈનની સ્થિતિ
કોરોનાના નવા ડેલ્ટા પ્લસ વેરિઅન્ટ વિશે વાત કરતાં જાણવા મળ્યું છે કે ઉજ્જૈનના 2 સેમ્પલમાં ડેલ્ટા પ્લસ વેરિઅન્ટ જોવા મળ્યો છે. ટ્રેસિંગમાં સામે આવ્યું છે કે 23 જૂને દેશમાં ડેલ્ટા પ્લસ વેરિઅન્ટથી મહિલાનું પહેલું મોત નોંધાયું છે. ઘરમાં પહેલા પતિ સંક્રમિત થયા અને પછી મહિલા સંક્રમિત થતા મહિલાનું મોત થયું. તપાસમાં જાણવા મળ્યું છે કે મહિલાએ કોરોના વેક્સિન લગાવડાવી ન હતી.
એમપીમાં સરકારેનું એલર્ટ
અહીં ડેલ્ટા પ્લસ વાયરસના ટ્રેસિંગમાં કેસની તપાસ કરવામાં આવી રહી છે. સરકારે દરેક હોસ્પિટલને પણ એલર્ટ પર રાખ્યા છે. ટેસ્ટિંગ અને જીનોમ સિક્વન્સિંગમાં મોટાપાયે કામ થઈ રહ્યું છે.
કુલ 4 લોકોમાં જોવા મળ્યો ડેલ્ટા પ્લસ વાયરસ
મધ્યપ્રદેશમાં કુલ 4 લોકોમાં ડેલ્ટા પ્લસ વેરિઅન્ટ જોવા મળ્યો છે. તેઓએ કોરોનાની વેક્સિન લીધી છે. તેઓ સ્વસ્થ પણ છે. જે મહિલાનું મોત થયું તેણે વેક્સિન લીધી ન હતી. એટલે કે સરકારનું નિવેદન છે કે વેક્સિન અચૂક લગાવો. તે કોરોનાના વેરિઅન્ટની સામે રક્ષણ આપે છે.