ચિંતાજનક / દેશમાં કોરોના બેકાબૂ, સતત બીજા દિવસે આવ્યા એટલા કેસ કે આંકડો જાણીને ચોંકી જશો

• કોરોનાના કેસોમાં ચિંતાજનક વધારો 
• કેન્દ્ર સરકારે કુંભમેળાને લઇને આપી ચેતવણી 
• છેલ્લા 24 કલાકમા દેશમાં 43846 નવા કેસ

આ અગાઉ 26 નવેમ્બરના રોજ એક જ દિવસમાં 43,082 કેસ નોંધાયા હતા. દરમિયાન, કેન્દ્ર સરકારે હરિદ્વારમાં ચાલી રહેલા કુંભમેળા વિશે ચેતવણી આપી છે કે અસરગ્રસ્ત રાજ્યોમાંથી આવતા ભક્તોને કારણે સંક્રમણ ઝડપથી ફેલાઇ શકે છે.

કુંભમેળાને લઈને સરકારે આપી ચેતવણી 

આરોગ્ય મંત્રાલયે ઉત્તરાખંડ સરકારને એક પત્ર લખીને કહ્યું છે કે હરિદ્વારમાં દરરોજ આશરે 40 જેટલા કેસ આવી રહ્યા છે અને એક મહિના સુધી ચાલનારા કુંભમેળાની મુલાકાતે લગભગ 15 કરોડ શ્રદ્ધાળુઓ આવી પહોંચે તેવી સંભાવના છે. કુંભમાં પવિત્ર શાહી સ્નાન બાદ સ્થાનિક લોકોમાં સંક્રમણ વધવાની સંભાવના છે. આરોગ્ય મંત્રાલયે રવિવારે કહ્યું કે, દેશમાં સક્રિય દર્દીઓની સંખ્યા ત્રણ લાખને વટાવી ગઈ છે. મંત્રાલયે કહ્યું કે, સતત 11 માં દિવસે કેસના વધારા સાથે દેશમાં દર્દીઓની કુલ સંખ્યા 1,15,99,130 ​​રહી છે, જેમાંથી 3,09,087 સક્રિય કેસ છે. આ કુલ કેસોના 2.66 ટકા છે. છેલ્લા 24 કલાકમાં, 197 દર્દીઓ મૃત્યુ પામ્યા છે, જે 97 દિવસો પછીનો સૌથી વધુ આંકડો છે. સક્રિય કેસોમાં વધારા સાથે, રિકવરી દર 95.96 ટકા પર આવી ગયો છે.

અત્યાર સુધીમાં 1,11,30,288 દર્દીઓ સાજા થયા છે, જ્યારે કુલ 1,59,755 લોકો મૃત્યુ પામ્યા છે. સંક્રમણના કેસો વધતાં મૃત્યુ દર વધીને 1.38 ટકા થયો છે અને જો આ જ રીતે ચાલુ રહે છે, તો મૃત્યુનું પ્રમાણ હજુ પણ વધી શકે છે.

છ રાજ્યોમાંથી જ 83 ટકા કેસ

મંત્રાલય અનુસાર, એક દિવસમાં મળેલા કુલ કેસોમાં મહારાષ્ટ્ર, કેરળ, પંજાબ, કર્ણાટક, ગુજરાત અને મધ્યપ્રદેશનો હિસ્સો 83.14% છે. મહારાષ્ટ્રમાં સૌથી વધુ 30535 નવા કેસ નોંધાયા છે, અને અન્ય રાજ્યોમાં પણ કેસો વધી રહ્યા છે.

કુંભમાં પૂરતી તપાસ નહીં: સરકાર

આરોગ્ય સચિવ રાજેશ ભૂષણએ ઉત્તરાખંડના મુખ્ય સચિવને પત્ર લખીને કહ્યું હતું કે, હરિદ્વારમાં કોરોના તપાસ સંતોષકારક નથી. દરરોજ કુલ 55 હજાર લોકોનું પરીક્ષણ કરવામાં આવી રહ્યું છે, જેમાં 50 હજાર એન્ટિજેન અને 5 હજાર આરટી-પીસીઆરનું પરીક્ષણ કરવામાં આવી રહ્યું છે. સંક્રમણ નિયંત્રણની દ્રષ્ટિએ આ યોગ્ય નથી. ઓછામાં ઓછા 70 ટકા નમૂનાઓનું પરીક્ષણ આરટી-પીસીઆર દ્વારા થવું જોઈએ. કેન્દ્રીય પક્ષના અહેવાલ મુજબ, દરરોજ 10-20 યાત્રાળુઓ અને 10-20 સ્થાનિકો ચેપ લગાવી રહ્યા છે.

રાજસ્થાન: જયપુર સહિત 8 શહેરોમાં નાઇટ કર્ફ્યુ

રાજસ્થાન સરકારે સોમવારથી જયપુર સહિત 8 શહેરોમાં નાઇટ કર્ફ્યુ જાહેર કર્યો છે. તે જ સમયે, કોવિડ -19 નેગેટિવ રિપોર્ટ અન્ય રાજ્યોથી આવતા લોકો માટે ફરજિયાત બનાવવામાં આવ્યો છે. અધિકારીઓએ રવિવારે જણાવ્યું હતું કે, જયપુર, અજમેર, ભિલવાડા, જોધપુર, કોટા, ઉદેપુર, સાગવાડા (ડુંગરપુર) અને કુશળગઢ (બાંસવાડા) માં સવારે 11 થી સવારે 5 વાગ્યા સુધી કર્ફ્યુ રહેશે. તે જ સમયે, 25 માર્ચથી રાજસ્થાન આવતા પ્રવાસીઓ માટે આરટી-પીસીઆરનો નેગેટિવ રિપોર્ટ ફરજિયાત રહેશે. જો રિપોર્ટ નેગેટિવ નઅહીં આવે,તો તેઓને 15 દિવસ માટે આઇસોલેટ રહેવું પડશે.