રાહત / ...શું ભારતમાં ધીમી પડી કોરોનાની રફ્તાર? 98 દિવસ બાદ પહેલી વાર મોતનો આંક ઘટ્યો

• શું દેશમાં કોરોનાની ગતિ ઘટી?
• 98 દિવસમાં પહેલીવાર ઘટ્યો મૃત્યુઆંક 
• ગઈકાલે 98 દિવસ બાદ મૃત્યુઆંક 580 રહ્યો

98 દિવસ બાદ સૌથી ઓછા મોત
દેશમાં મોટાભાગમાં મહામારી ઘટી રહી છે. રાજ્ય સરકારે જાહેર કરેલા આંકડાથી કહી શકાય છે કે ભારતમાં 18 જુલાઈ બાદ હવે મોતનો આંક ઘટ્યો છે. સપ્ટેમ્બરમાં મહામારી ચરમ સીમાએ હતી. એક જ દિવસમાં કોરોનાથી સૌથી વધુ મોતની સંખ્યા 15 સપ્ટેમ્બરે 1275 મોત સાથે નોંધાઈ હતી. ગઈ કાલે 580 મોત સાથે 98 દિવસ બાદ મોતના આંકમાં ઘટાડો જોવા મળ્યો છે. 

રિકવરી રેટમાં થયો વધારો

भारत का राष्ट्रीय रिकवरी रेट अब बढ़कर 89.78% हो गया है: स्वास्थ्य और परिवार कल्याण मंत्रालय #COVID19 https://t.co/28zCiziT2A

— ANI_HindiNews (@AHindinews) October 24, 2020

શનિવારે 51023 નવા કેસ સામે આવ્યા છે અ્ને કોરોનાના કેસમાં પણ ઘટાડો જોવા મળી રહ્યો છે. દેશના કુલ કેસ 7863913 હતા અને સક્રિય કેસ ઘટીને 6.75 લાખ થયા છે. કોરોનાથી 7069999 લોકો સંક્રમણ મુક્ત થયા છે. ભારતમાં અત્યારે કોરોનાનો રિકવરી રેટ 89.9 ટકાનો છે. 

 
કેરળમાં રેકોર્ડ કેસ, દિલ્હીમાં ટેન્શન, મહારાષ્ટ્રમાં રાહત

કેરળમાં ફરી એકવાર મહામારી માથું ઉંચકી રહી છે. અહીં 8253 નવા કેસ નોંધાયા છે. દિલ્હીમાં 4116 નવા કેસ આવતાં ટેન્શનની સ્થિતિ કાયમ છે. પરંતુ મહારાષ્ટ્રથી રાહતના સમાચાર આવી રહ્યા છે અહીં સતત છઠ્ઠા દિવસે નવા કેસમાં ઘટાડો જોવા મળ્યો છે.