રાજકોટમાં હોસ્પિટલોમાં ઓક્સિજનની તંગી સર્જાઈ હોવાનું ખુદ ડોક્ટરો કબૂલી રહ્યા છે આવો જાણીએ શું છે સ્થિતિ?
રાજકોટમાં ઓક્સિજનની તંગીથી હોસ્પિટલ પરેશાન
રંગાણી હોસ્પિટલના ડૉ.મુકેશ રંગાણીનું નિવેદન
આગામી દિવસોમાં સ્થિતિ વકરશે:ડૉ.રંગાણી
રાજકોટમાં ઓક્સિજનની તંગીથી હોસ્પિટલ પરેશાન થઈ રહી છે. રંગાણી હોસ્પિટલના ડો.મુકેશ રંગાણીનું નિવેદન સામે આવ્યુ છે કે, ઓક્સિજન સપ્લાય માટે ભલામણ કરાવવી પડે છે. આગામી દિવસોમાં સ્થિતિ વધુ ખરાબ બનશે. દરેક દર્દીને ઓક્સિજન આપવો પડે તેવી સ્થિતિ બની શકે છે એવામાં તંત્રની આ લાપરવાહી અને બેજવાબદારી પરિસ્થિતિને વણસાવી શકે છે. કલેક્ટરને લેખિતમાં રજૂઆત કરી ઓક્સિજનની માગ કરી છે
ગુજરાતની સ્થિતિ
રાજ્ય સરકાર દ્વારા જાહેર કરવામાં આવેલ આંકડા પ્રમાણે રાજ્યમાં ગત 24 કલાકમાં કોરોનાના 12,553 નવા કેસ નોંધાયા છે તો સંક્રમણના કારણે 125 લોકોના મોત નિપજ્યા છે. આ સાથે જ 4,802 દર્દીઓ સાજા થયાં છે. આ સાથે જ અત્યાર સુધીમાં 3,50,865 દર્દીઓ કોરોના મુક્ત થયાં છે.
છેલ્લા 24 કલાકમાં 125 દર્દીઓના મોતથી ખળભળાટ
ઉલ્લેખનીય છે કે, છેલ્લા 24 કલાકમાં રાજ્યમાં 125 લોકોના સારવાર દરમિયાન મોત થયાં છે. આમ ગુજરાતમાં અત્યાર સુધીમાં 5740 લોકોના મોત કોરોનાને કારણે થયાં છે. ગઇકાલ કરતા આજે કોરોનાના કેસમાં ચિંતાજનક ઉછાળો નોંધાયો છે તો સાથોસાથ મૃત્યુનો આંકડો પણ દિવસેને દિવસે વધી રહ્યો છે. રાજ્યમાં હાલ 361 લોકો વેન્ટિલેટર પર છે. એક્ટિવ કેસનો આંકડો 84,126 પર પહોંચ્યો છે.
ઉત્તર ગુજરાતના મહેસાણાએ ચિંતા વધારી
કોરોનાનો પ્રકોપ દરરોજ વધી રહ્યો છે. ત્યારે ગત 24 કલાકમાં નોંધાયેલા કોરોનાના કેસમાં અમદાવાદ સુરત બાદ મહેસાણા જિલ્લામાં ચિંતાજનક આંકડો નોંધાયો છે. ઉત્તર ગુજરાતના મહેસાણામાં પણ કોરોના કહેર જોવા મળી રહ્યો હોય તેમ લાગી રહ્યું છે. ગત 24 કલાકમાં અહીં 495 નવા કેસ નોંધાયા હતા.
સુરત અને અમદાવાદમાં કોરોના બેકાબૂ
ગુજરાતમાં રસીકરણની કામગીરી ચાલુ હોવા છતાં બીજી તરફ પરિસ્થિતિ બેફામ છે. કોરોનાના કેસમાં સતત વધારો થતા ચિંતા વધી છે. અમદાવાદ શહેરમાં રાજ્યના સૌથી વધુ 4821 કેસ તો અમદાવાદ ગ્રામ્યમાં 85 કેસ નોંધાયા છે. જ્યારે સુરત શહેરમાં 1849 નવા કેસ, જ્યારે સુરત ગ્રામ્યમાં 491 કેસ નોંધાયા છે. વડોદરા શહેરમાં 475 કેસ, જ્યારે ગ્રામ્યમાં 256 કેસ નોંધાયા. રાજકોટ શહેરમાં 397 કેસ અને ગ્રામ્યમાં 119 કેસ નોંધાયા છે. ત્યારે જાણો 24 કલાક દરમિયાન રાજ્યના તમામ જિલ્લામાં નોંધાયેલ કેસની વિગત...