UNLOCK 1 / જાણો ગુજરાતમાં શું શું ખુલશે, કેટલા હશે તબક્કા અને શું રહેશે સજ્જડ બંધ

• સોશિયલ ડિસ્ટન્સિંગનું પાલન કરવાનું રહેશે
• અનલોક 1 1લી જૂનથી 30 જૂન સુધી લાગુ રહેશે
• શાળા કોલેજોએ જોવી પડશે રાહ

ગૃહમંત્રાલયે અનલોકની ગાઇડલાઇન્સ જાહેર કરી દીધી છે. આ અંતર્ગત કન્ટેનમેન્ટ ઝોનની બહાર તબક્કાવાર રીતે છૂટ આપવામાં આવશે. તમામ કન્ટેન્મેન્ટ ઝોનની બહાર તમામ છૂટ મળશે. ગાઇડલાઇન્સ 1 જૂનથી 30 જૂન સુધી લાગુ રહેશે. દેશમાં રાત્રે 9થી સવારે 5 વાગ્યા સુધી રાત્રી કર્ફ્યૂ ચાલું રહેશે.  હોટલ, ધાર્મિક સ્થળો, રેસ્ટોરન્ટ 8 જૂનથી ખોલી દેવામાં આવશે.  

સરકારે શરતો સાથે હોટલ, રેસ્ટોરન્ટ અને ધાર્મિક સ્થળો ખોલવાની પરવાનગી આપી છે. રાજ્યો ઇચ્છી રહ્યા હતા કે મૉલ પણ ખોલવામાં આવે તો તે પણ તબક્કાવાર રીતે ખોલવામાં આવશે. જો કે, મોલમાં પણ  સોશિયલ ડિસ્ટન્સિંગ અને માસ્ક પહેરવા જરૂરી રહેશે. તો એક રાજ્યમાંથી બીજા રાજ્યમાં જવા-આવવાનો પ્રતિબંધ પણ હટાવી લેવામાં આવ્યો છે. રાજ્યમાં પણ એક જિલ્લામાંથી બીજા જિલ્લામાં જઇ શકાશે. પરંતુ તેમા પણ સોશિયલ ડિસ્ટન્સિંગનું પાલન કરવાનું રહેશે. બીજી તરફ આંતરરાષ્ટ્રીય પ્રવાસ પર હજુ પ્રતિબંધ છે. 
 

શું રહેશે ચાલુ શું બંધ

અનલોક-1ની જાહેરાત થયા બાદ મુખ્યમંત્રી વિજય રૂપાણીએ પ્રજાજોગ સંદેશ આપ્યો હતો. રાજ્યમાં વધુ છુટછાટ અંગે જાહેરાત કરી હતી. મુખ્યમંત્રી વિજય રૂપાણીએ કહ્યું કે, અનલોક-1માં દરેક દુકાનો સાંજે 7 વાગ્યા સુધી ચાલુ રહેશે. અને લોકો 9 વાગ્યા પહેલાં ઘરે પહોંચી જાય. 

ઓડ ઈવન પધ્ધતિ બંધ કરવામાં આવે છે. સોશિયલ ડિસ્ટન્સ, માસ્ક પહેરીને છૂટો આપવામાં આવે છે. ઓફિસોને પણ તમામ છૂટ આપવામાં આવે છે. લોકો શહેરમાંથી અવરજવર કરી શકે તે માટે હવે સમગ્ર ગુજરાતમાં એસટી ચાલશે. એસટીમાં પણ 60 ટકા કેપિસિટી રાખવામાં આવશે. તો અમદાવાદ સહિત રાજ્યમાં સિટી બસ સેવા પણ શરૂ થશે.

અમદાવાદમાં સોમવારથી 50 ટકા મુસાફરો સાથે AMTS શરૂ થશે.  આમ એસટી સમગ્ર ગુજરાતમાં અવરજવર કરશે. ટુ વ્હીલરમાં ફેમિલી મેમ્બર સાથે જ 2 વ્યક્તિને છૂટ આપવામાં આવે છે. અન્ય કોઈ વ્યક્તિને બેસાડી નહીં શકાય. નાની ગાડીઓમાં 1+2 રહેશે અને મોટી ગાડીઓમાં 1+3 રહેશે. સિટી બસ 50 ટકાની કેપેસિટી ચાલુ રહેશે.

સચિવાલય, સરકારી ઓફિસો તમામ સ્ટાફ સોમવારથી નિયમોને આધીન શરૂ થશે. સરકારી કામો પણ ચાલુ થશે. બેંકો પણ ફૂલ કેપેસિટીમાં કન્ટેન્ટમેન્ટ ઝોનમાં પણ ચાલુ રહેશે અને તમામ સ્ટાફ સાથે. હોટેલ, રેસ્ટોરન્ટ, શોપિંગ મોલ કેન્દ્ર સરકારની ગાઈડલાઈન પ્રમાણે 8મી જૂનથી ચાલુ થશે. કન્ટેઈન્મેન્ટ ઝોનમાં આવશ્યક વસ્તુઓ સિવાય તમામ વસ્તુઓ પર પ્રતિબંધ રહેશે. આવતીકાલે કન્ટેઈમેન્ટ ઝોનનું લિસ્ટ બહાર પડશે.