ગુજરાતમાં કોરોના વાયરસના વધી રહેલા આંકડા અને આવનારા મહિનામાં વધતું સંકટ જોઈને રાજ્યમાં યુનિવર્સિટીમાં વેકેશનની તારીખો લંબાવાઈ છે. ઉનાળું વેકશેન પાછુ ઠેલાયુ છે. સરકારી યુનિવર્સિટીમાં આ વાત લાગુ પડશે.
કોરોનાને કારણે 16 મેના બદલે હવે 20 જૂન સુધી વેકેશન લંબાવાયું
સરકારી યુનિવર્સિટી તેમજ તમામ ગ્રાન્ટેઇડ કોલેજમાં આ વેકેશન લાગુ પડશે
શિક્ષણ વિભાગ દ્વારા તમામ યુનિવર્સિટીમાં વેકેશન માટે કરાયો પરિપત્ર
કોરોના વાયરસના કારણે ગુજરાતમાં સમાવિષ્ટ યુનિવર્સિટીમાં ઉનાળું વેકેશન લંબાવવામાં આવી છે. 2019-20ના કેલેન્ડરમાં ઉનાળુ વેકેશન 15 એપ્રિલ 2020 થી 16 મે 2020 સુધી હતું. કોરોનાને કારણે 16 મેના બદલે હવે 20 જૂન સુધી વેકેશન લંબાવાયું છે. સરકારી યુનિવર્સિટી તેમજ તમામ ગ્રાન્ટેઇડ કોલેજમાં આ વેકેશન લાગુ પડશે. શિક્ષણ વિભાગ દ્વારા તમામ યુનિવર્સિટીમાં વેકેશન માટે પરિપત્ર કરાયો.