કોરોનાની મહામારીમાં સરકારી અધિકારીઓ પણ આમ જનતાને લૂંટી રહ્યા હોય તેવી એક ઘટના સામે આવી છે. મફત કોરોના ટેસ્ટના પૈસા વસૂલાતા હોવાના આક્ષેપ થઈ રહ્યા છે. ત્યારે આવો જાણીએ શું છે સમગ્ર મામલો?
સુરતમાં કોરોના રેપીડ ટેસ્ટ માટે રૂપીયાની વસૂલાયા
મનપાના અધિકારીઓ ટેસ્ટના પૈસા વસૂલતા હોવાનો આક્ષેપ
સુરતના નાના વરાછા વિસ્તારમાં કરાઇ રહ્યા છે રેપીડ ટેસ્ટ
સુરતમાં કોરોના રેપિડ ટેસ્ટ કરવા માટે પૈસાની વસૂલી કરવામાં આવી રહી છે. સુરત મનપા દ્વારા રેપિડ ટેસ્ટ મફત કરવામાં આવે છે. ત્યારે સુરત મનપા કર્મીઓ દ્વારા રેપિડ ટેસ્ટના પૈસા લેતા હોવાનું સામે આવ્યું છે. અને મફત ટેસ્ટ છતા 450 રૂપિયા લેતા હોવાનો લોકો આક્ષેપ કરી રહ્યાં છે. સુરતના નાના વરાછા વિસ્તારમાં રેપીડ ટેસ્ટ કરાઇ રહ્યા છે આ દરમિયાન લોકો પાસેથી 450 રૂપિયા લેવામાં આવ્યા છે. જેને લઇ પાલિકા અધિકારીને સસ્પેન્ડ કરવાની માગ લોકો કરી રહ્યાં છે. ત્યારે સવાલ એ છે કે શું સુરત મનપાના ઉચ્ચ અધિકારીઓને આ અંગે જાણ નથી?. મફત ટેસ્ટ છતા કેમ પૈસા લેવાય છે?. રેપિડ ટેસ્ટના પૈસા લઇ લોકોને કેમ લૂંટવામાં આવે છે?. સુરત મનપાના કર્મી જ જો આવી રીતે લૂંટતા રહેશે તો લોકો ક્યાં જશે?. આવા કર્મીઓ સામે કાર્યવાહી કેમ નથી કરાતી?
સળગતા સવાલ
શું સુરત મનપાના ઉચ્ચ અધિકારીઓને આ અંગે જાણ નથી?
મફત ટેસ્ટ છતા કેમ પૈસા લેવાય છે?
રેપિડ ટેસ્ટના પૈસા લઇ લોકોને કેમ લૂંટવામાં આવે છે?
સુરત મનપાના કર્મી જ જો આવી રીતે લૂંટતા રહેશે તો લોકો ક્યાં જશે?