સુરતમાં ખાનગી હોસ્પિટલ દ્વારા કોરોનાન ન હોય અને સામાન્ય શરદી વાળા દર્દીને કડવો અનુભવ થયો છે. દર્દીની સારવારનો ખર્ચો રૂા. 12.25 લાખ આવતા પરિવાર અને ખુદ દર્દી પોતે પણ આવાક રહી ગયા હતા. દર્દીની પત્નીએ જ્યારે રડતા રડતા પોતાની કહાની કહી ત્યારે ખરેખર એક સામાન્ય માણસને કોરોનાને કારણે શરદીમાં પણ લાખો રૂપિયાનું બિલ વસૂલતી ખાનગી હોસ્પિટલો સામે તંત્ર કેમ મહેરબાન તેવા પ્રશ્નો જરૂર ઉઠે.
સુરતમાં ખાનગી હોસ્પિટલે દર્દીને લાખોનું બિલ પકડાવતા ચકચાર મચી ગઈ હતી. કોરોના નેગેટિવ દર્દીને ખાનગી હોસ્પિટલનો કડવો અનુભવ થયો હોવાની ઘટના સામે આવી છે.
કોરોના નેગેટિવ દર્દીને 12.25 લાખનું બિલ આપવામાં આવતા દર્દીતો આભો જ બની ગયો હતો.
23-25 દિવસનું 12 . 25 લાખનું બિલ અપાયું
ગુલામ હૈદર ગુલાબ મુસ્તુજા શેખને નામના દર્દીને આવો કડવો અનુભવ થયો છે. તે કોરોના નેગેટિવ હતો પરંતુ તેની સારવારનું બિલ આવ્યુ હતુ 12.25 લાખ. 23થી 25 દિવસ દવાખાનામાં રહ્યો અને તેની સારવારનો ખર્ચો અધધ આવ્યો હતો.
સામાન્ય શરદી હતી
13મી મેના શરદી-ખાસી થતા ફેમિલી ડૉક્ટર પાસે ગયા હતા. ત્યારે કોરોના લક્ષણોની સાંભવનાએ ડોક્ટરે દાખલની વાત કરી હતી. ફેમિલી ડોક્ટરે સિવિલ લઈ જવાની વાત કરતા દર્દીએ ના પાડી હતી. જેને લઈ ટ્રાઈ સ્ટાર હોસ્પિટલમાં લઈ જવાયા હતા.
શું કહે છે ડોક્ટર?
કફ હોવાથી ગળામાં કાણું પાડી કફ કાઢ્યા છે તેવુ ડૉક્ટર કહેતા હતા. 14 દિવસ સુધી વેન્ટિલેટર પર રાખ્યા હતા. 12.25 હજારનું બિલ ચૂકવ્યા બાદ જ રજા આપવામાં આવી હતી.