સુરતમાં ભુખ તો લાગે જ એટલે ભોજનની એટલી લાંબી લાંબી લાઈનો લાગી કે લોકડાઉન ક્યાંક ખોવાઈ જ ગયુ હતુ. ગુજરાતમાં કોરોના વાયરસના કેસ વધી રહ્યા છે. ગઈકાલે 94 કેસ પોઝિટિવ આવ્યા હતા જ્યારે આજે પણ 55 જેટલા કેસ પોઝિટિવ આવ્યા હતા જેને પરિણામે ગુજરાતમાં હાલ કુલ કેસની સંખ્યા 320 પર પહોંચી ગઈ છે. ત્યારે સુરતમાં પણ 24 કેસ નોંધાયા છે અને ખુબ મોટા પ્રમાણ અહીં પણ વિસ્તાર ક્વોરન્ટાઈન અને કન્ટેન્મેન્ટ કરવામાં આવ્યા છે.
ભિક્ષુકોએ લગાવી લાઈન
લોકડાઉનની ગંભીરતા જ નથી
સુરતમાં 24 કેસ 4ના મોત
કોરોના વાયરસના કારણે ભિક્ષુકો મુશ્કેલીમાં મુકાયા છે. સુરતમાં ભોજન માટે ભિક્ષુકોની લાંબી લાઇન લાગી છે. ઉધના વિસ્તારમાં બે કિમી જેટલી લાંબી લાઇન લાગી છે. તો ભોજન મેળવવા લાગેલી લાઇનમાં સોશિયલ ડિસ્ટન્સનો પણ અભાવ જોવા મળ્યો હતો. જેને લઇને લોકોને નિયમ સમજાવવા પોલીસ પહોંચી હતી. તો કોરોનાને કારણે સોશિયલ ડિસ્ટન્સનું પાલન કરવું જરૂરી છે.
લોકો મેળામાં આવ્યા હોય તેમ માનવહેરામણ ઉભરાણું
સુરતમાં ભોજન માટે મેળો લાગ્યો હોય તેવું મહેરામણ ઉમટ્યુ છે. કોરોના વાયરસની તો કોઈને બીક જ નથી જણાઈ રહી. લોકો મનફાવે તેમ ફરી રહ્યા છે. અને આશરે 2 કિ.મી થી પણ વધુ લાંબી લાઈન લાગી છે.
સુરતમાં 24 કેસ 4ના મોત
સુરતમાં અત્યાર સુધીમાં 24 કેસ પોઝિટિવ નોંધાઈ ચુક્યા છે. 24માંથી 4 લોકોના મોત થઈ ચુક્યા છે. 5 દર્દી સાજા થઈ ચૂક્યા છે. 1279 લોકોના રિપોર્ટ કરાવવામાં આવ્યા છે. હાલ 1640 લોકોને ક્વોરન્ટાઈન કરવામાં આવ્યા છે.
આજની પરિસ્થિતિ
સુરતમાં આજે 26 જેટલા રિપોર્ટ નેગેટિવ આવ્યા છે. પેન્ડિંગ તમામ રિપોર્ટ નેગેટિવ આવ્યા છે. હાલ ત્રણ રિપોર્ટની રાહ જોવાઇ રહી છે. રિપોર્ટ નેગેટીવ આવતા તંત્રએ હાંશકારો અનુભવ્યો છે. 280 વ્યક્તિના સેમ્પલ લેવાયા જેમાં 255 નેગેટિવ છે.