દારૂબંધી હોય કે, લોકડાઉન દારૂ તો મળી જ રહે. પોલીસને કે પોલીસ ડ્રોનને દારૂ નથી દેખાતો સાહેબ! આવા આક્ષેપો સ્થાનિકો દ્વારા થઈ રહ્યા છે. બુટલેગરો લોકડાઉનમાં પણ બેફામ બનીને દારૂ વેચી રહ્યા છે અને લોકડાઉનમાં નવરા બેઠેલા બેવડાઓ પણ રીતસર ખરીદી માટે લાઈનો લગાવે છે ત્યારે સામાન્ય માણસ દૂધ લેવા નીકળે તો પણ પકડતી પોલીસને આ દારૂની પોટલીઓમાં શું દેખાતું હશે? એવો પ્રશ્ન થઈ રહ્યો છે.
સુરતમાં લોકડાઉનમાં ખુલ્લેઆમ દારુનુ વેંચાણ
પાંડેસરા વિસ્તારમાં ખુલ્લેઆમ વેચાય છે દેશી દારૂ
નાગસેન નગરમાં 20 કરતા વધુ દેશી દારૂના અડ્ડા
સુરતમાં લોકડાઉન હોવા છતા ખુલ્લેઆમ દારૂનું વેચાણ તઈ રહ્યું છે. શહેરના પાંડેસરા વિસ્તારમાં બુટલેગરો ખુલ્લેઆમ દારૂનું વેચાણ કરી રહ્યા છે. નાગસેન નગરમાં 20 કરતા વધુ દેશી દારૂના અડ્ડા ધમધમી રહ્યા છે.
આ મામલે સ્થાનિકોએ અનેક વખત રજૂઆત કરી છે. તેમ છતા તંત્ર દ્વારા કોઈ કાર્યવાહી કરવામાં આવતી નથી. તંત્ર દ્વારા કોઈ કાર્યવાહી ન કરવામાં આવતા સ્થાનિકોમાં રોષ જોવા મળ્યો. ત્યારે હવે કોરોનાના કહેર વચ્ચે અડ્ડા પર મોટી સંખ્યામાં લોકો એકત્ર થતા હોવાથી લોકોમાં ભય ફેલાયો છે.