વિવાદાસ્પદ / કથિત AUDIO : મંત્રીને પૂછાયું શ્રમિકો માટે S.T બસો કેમ નહીં?  જવાબ મળ્યો "મારા માથે પણ 2 મંત્રીઓ છે"

• વાહનવ્યવહાર  મંત્રી અને સુરતના સ્થાનિક વચ્ચેનો ઓડિયો વાઇરલ 
• વાઇરલ ઓડિયમાં ખાનગી બસ લુટી રહી હોવાની વાતચીત
• એસટી બસનો નિર્ણય પોતે ન લઇ શકતા હોવાનું સ્વિકાર્યું 

ST બસનો નિર્ણય પોતે ન લઇ શકતા હોવાનું સ્વિકાર્યું છે. STનો નિર્ણય સરકાર લઇ શકે, મારી ઉપર પણ મંત્રી છે. વાહનવ્યવહાર મંત્રી આર.સી.ફળદુનો ઓડિયો વાયરલ થયો છે. 
મંત્રી અને સુરતના સ્થાનિક વચ્ચેનો ઓડિયો વાયરલ થયો છે. વાયરલ ઓડિયોમાં ખાનગી બસ લુટતા હોવાની વાતચીત વાયરલ થઈ છે. ખોટી રીતે વધારે ભાડુ લેતા હોવાનું મંત્રીએ સ્વિકાર્યું છે. સૌરાષ્ટ્રમાં આવવા માટે ખાનગી બસ સંચાલકો લૂંટી રહ્યો છે. જો કે, કથિત ઓડિયો ક્લિપની VTV પુષ્ટી કરતુ નથી. 

વાહનવ્યવહાર મંત્રી આર.સી.ફળદુની કબૂલાત

સુરતથી સૌરાષ્ટ્ર જવા ST બસને છુટ કેમ નથી આપવામાં આવી? આવા પ્રશ્નના જવાબમાં પરિવહનમંત્રીએ જણાવ્યુ હતુ કે નિર્ણય સરકારે લેવાનો હોય. હું મંત્રી છું પણ મારી માથે બે મંત્રી છે. હું તો ST બસો દોડાવવા માટે રેડી છું પણ મને આગળથી પરમિશન મળવી જોઈએને?

કેબિનેટમાં ચર્ચા કરીશું

આવતી કાલે કેબીનેટની મિટિંગ છે જેમાં અમે આ અંગે ચર્ચા કરીશું. જ્યારે ખાનગી બસો દ્વારા 1500થી 2500 સુધીનું ભાડુ વસુલાતુ હોવાની વાત પણ તેમને કબુલી હતી અને આ અંગે જણાવ્યું હતુ કે, સુરતના કલેક્ટરને કીધુ કે આ કેમ લૂંટે છે. 1500 કે 2500 કેમ લે છે? તો આ મામલે તેઓ તપાસ કરશે.